Нийслэлийн иргэдийг гамшгаас хамгаалах сургалт арга зүйн төв манай аймагт ажиллалаа.  Тус төвийг 2016 онд Нийслэлийн Засаг даргын захирамжаар байгуулжээ.  Сургалт арга зүйн төв нь төрийн болон төрийн бус байгууллага, сургууль цэцэрлэгийн хүүхдүүд, иргэдэд гамшгаас хамгаалах сургалт мэдээллийг  өгдөг байна.  2018 онд  хойд бүсийн аймгуудад гамшгаас хамгаалах сургалт хийхээр төлөвлөжээ. Энэ ажлын дагуу Орхон аймгийн Онцгой байдлын газартай хамтран ард иргэдэд зориулж сургалт мэдээлэл өгөхөөр  ирсэн байна. Газар хөдлөлт, гал усны аюулд өртсөн иргэдэд зориулсан сургалтыг онол практикийг хослуулан иргэдэд зааж байлаа. Гамшгаас хамгаалах сургалт арга зүйн  сургагч багш нар газар хөдлөлт болон галын аюулын үед өөрийгөө хэрхэн хамгаалах зөвлөмжийг хүүхдүүдэд өгсөн юм. Үүний дараа хүүхдүүд  сургалтын явуулын машинд орж, утаатай, газар хөдлөлтийн чичирхийлэлтэй хэсгээр явж, машин дээрээс аврах хоолойгоор доошоо бууж үзлээ. Газар хөдлөлт, гал ус, гамшиг ослоос хамгаалах сургалтыг явууллаа Орхон аймгийн Онцгой байдлын газар, Нийслэлийн Гамшгаас хамгаалах сургалт аргазүйн төвийн  80 гаруй алба хаагчид иргэдэд сургалт мэдээлэл өглөө.  Хүүхдүүд явуулын машинд гамшиг ослоос сэргийлэх хамгаалах сургалтыг бодитоор туршиж үзэж байсан бол иргэдэд эмнэлгийн анхан шатны тусламж, хиймэл амьсгаа хийх хичээлийг сургагч багш заасан юм. Нийслэлийн иргэдийг гамшгаас хамгаалах сургалт аргазүйн төв нь 30 мянга гаруй иргэдэд сургалт мэдээлэл өгсөн байна. Манай аймагт анх удаа  болж байгаа гамшгаас хамгаалах сургалт хойд бүсийн аймгууд буюу  Булган,  Дархан-Уул, Сэлэнгэ аймагт үргэлжлэх юм. А.Чимэг[sgmb id="1"]