Хүүхдийн Амбулаторын хүлээн авахаар ажлын өдрүүдэд 90-100 хүүхэд үзүүлж, тусламж үйлчилгээ авдаг. Харин амралтын өдрүүдэд 150-180 хүүхэд болж өсдөг гэдгийг эмч нар ярьлаа. Одоогийн байдлаар Хүүхдийн тасагт 50 хүүхэд томуугийн өвчлөлөөр хэвтэн эмчлүүлж, гурван хүүхэд Эрчимт эмчилгээнд байна. БОЭТ-ийн Хүүхдийн тасагт гуравдугаар сарын 20-ноос эхлэн нарийн мэргэжлийн эмч нар 15-17 цагийн хооронд бүх насны хүүхдэд зориулсан үзлэгийг хийж эхэлжээ. Эцэг эхчүүд хүүхдээ нарийн мэргэжлийн эмчийн үзлэгт хамруулахад цаг авч үзүүлэх юм. Мөн томуугийн дэгдэлт буураагүйтэй холбоотой амны хаалт зүүж, эрүүл, шим тэжээлээр хооллож, бага насны хүүхдийг 22 цагаас өмнө унтуулж, дархлааг нь дэмжихийг зөвлөлөө.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ErdenetNews.mn хариуцлага хүлээхгүй.