Аймгийн Газрын харилцаа, барилга, хот байгуулалтын газраас Оюут багт байгуулах худалдаа, үйлчилгээний бүсийн 22 га талбайн хэсэгчилсэн ерөнхий төлөвлөгөөний суурь судалгаа, газар ашиглалт, барилгажилт, автозам болон инженерийн шугам сүлжээний төлөвлөлтийн үндсэн шийдлүүдийг боловсруулж байна. Уг ажилтай холбогдуулан иргэд, аж ахуйн нэгжүүдээс санал авах хэлэлцүүлгийг энэ оны гуравдугаар сарын 20-ны өдөр аймгийн Газрын харилцаа барилга, хот байгуулалтын газраас зохион байгуулсан. Мөн аймгийн Техникийн зөвлөлийн хурлаар танилцуулж, ажлын гүйцэтгэл 75 хувьтай явна гэж аймгийн ГХБХБГ-аас мэдээлэл хийлээ.
Одоогийн байдлаар Оюут багийн худалдаа, үйлчилгээний бүсийн 22 га талбайн хэсэгчилсэн төлөвлөгөө боловсруулах ажлыг бүрэн дуусгаж, холбогдох мэргэжлийн зөвлөлийн хурлаар хэлэлцүүлэхээр бэлтгж байна. Үүний тулд зураг, төслийн ажлын жишиг үнийн зөрүүтэй холбоотой нэмэлт санхүүжилтийн асуудлыг шийдвэрлэх, ажлын хэрэгжилтэд нөлөөлсөн нөхцөл байдлыг харгалзан гэрээний хугацааг сунгахаар судалж буй. Мөн дулаан хангамжийн техникийн нөхцөлийг холбогдох байгууллагаар шийдвэрлүүлж, инеженерийн төлөвлөлтийн эцсийн шийдлийг баталгаажуулах юм.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ErdenetNews.mn хариуцлага хүлээхгүй.