Орон нутгийн өмчит байгууллагуудын ажлыг сайжруулах чиглэлээр аймгийн Засаг даргын захирамж гарч, Ажлын хэсэг байгуулагдан ажиллаж байна. Аймгийн Засаг даргатай хөдөлмөрийн онцгой нөхцөл бүхий гэрээ байгуулдаг орон нутгийн өмчит аж ахуйн тооцоотой үйлдвэрийн газрууд, хувьцаат компаниуд, улсын төсөвт үйлдвэрийн газруудын 2024 оны ажлын тайлан, 2025 оны бизнес төлөвлөгөөг хянаж, дүгнэлт өгч байгаа. Уг ажлын хэсгийн дүгнэлтийг танилцуулах бэлтгэл хийгдэж байгаа нь зарим нэг орон нутгийн өмчит газруудыг нэгтгэх, статусыг нь өөрчлөхөөр Санхүү эдийн засгийн их сургуульд Зөвлөн туслах үйлчилгээний санал хүргэсэн байна. Үүний эхлэл өөрчлөлт нь Цэцэрлэгжүүлэлт, ногоон байгууламжийн газар, Эрдэнэт цэцэрлэгт хүрээлэнгийн ашиглалтын өмнөх захиргаа гэсэн хоёр байгууллагыг нэгтгэхээр болсон. Цаашид ч орон нутгийн өмчит томоохон газруудын менежментийг өөрчлөхөөр бэлтгэж, хөдөлгөөн оруулахаар зэхэж байна.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ErdenetNews.mn хариуцлага хүлээхгүй.