Орхон аймаг газар зүйн байршил, дэд бүтцийн хөгжил, хүн амын тоогоороо Хот байх ёстой гэж бид цээжээ дэлддэг. Үндсэн хуульд өөрчлөлт оруулах замаар хотын статустай болвол цаашдын хөгжилд ч чухал хэммээн ярих дуртай. Одоогоос 20-иод жилийн өмнө Эрдэнэтэд ирсэн гадна, дотныхон бидний цэвэрчийг хотын цэвэрхэнийг шагшин магтдаг байлаа. Гэтэл өнөөдөр ингэж хэлж байгаа хүн тэр бүр таардаггүйг манайхан сайн мэддэг. Нохой, муур нь үүгээр түүгээр сүрэглээд, байрны булан зайдгай газарт эрчүүд морь хараад. Гялгар уутан хог, цаас нь өнөөдрийн бидний хотын “чимэглэл” болсон гэхэд хилсдэхгүй. Тэгвэл аймгийн ЗДТГ-ын даргын зүгээс “Хотын иргэн байхын тулд та бидний оролцоо чухал байна. Тэр дундаа төрийн байгууллагууд ихээхэн үүрэгтэй. Иймээс төрийн байгууллагуудыг ариун цэврийнхээ өрөөг иргэдэд нээлттэй болгох үүрэг өглөө. Үүний хэрэгжилтийг удахгүй өөрийн биеэр явж шалгана. Барилгачдын талбай орчмын газар, “Найрамдал” өндөрлөг тийш гардаг гүүр хавиар тэр чигтээ бохир заваан байна. Ил задгай бие засдаг байдлыг арилгаж хотын соёлд суралцах хэрэгтэй, Үүнд иргэдийн оролцоо чухал” гэсэн юм. Видео мэдээ: Байгууллагууд ариун цэврийн өрөөгөө нээлттэй болгохыг үүрэгдлээ Posted by ErdenetNews on Wednesday, February 22, 2017          Үнэхээр бид хотынхон хэрнээ хүн багатай, захдуу газар бол байрны булан тойроод л морь харчихдаг гэм эрчүүдэд бий. Нөгөө талдаа энд тэнд ариун цэврийн өрөө байдаг бол тэр бүр байшин тойроод гүйхгүй л байх. Тэгээд ч орчин үед хэт хотожсон нийгмийн эрчүүдийг өдөрт багаар бодоход 2-3 удаа сууж морь харж байхыг анагаах ухаан зөвлөж байна. Өдөр бүр морь унаад давхичихаж чаддаггүй эрчүүд өндөр насны тэтгэвэрт гараад түрүү булчирхайн асуудалтай болдог нь нууц биш. Тэгэхлээр өнөөдрөөс эхлэн нэгийг бодсон нь зөв байх. Нөгөө талдаа Барилгачдын талбай орчмын хөл хөдөлгөөн ихтэй газарт ариун цэврийн өрөө, тасалгаа байдаггүй. Хэн хэзээ, хэний мөнгөөр юуны учир барьсан нь мэдэгдэхгүй нэг “улаан байшин” нар салхийг элээсээр хэдэн жилийн нүүр үзсэн. Мэдэхгүй зарим нэг хүн хаалгыг нь мөргөж байхыг харж л байлаа. Энэ мэт онгойдоггүй “улаан байшин”-г нээлттэй болгочихвол Барилгачдын талбайн автобуснаас буусан иргэд жалга бараадаж гүйхгүй л дээ. [sgmb id="1"]