Баянбулаг баг дахь 16-р сургууль байгуулагдсан цагаасаа өнөөг хүртэл спорт заалгүй байсаар ирсэн. Тус сургуулийн спорт заалыг барих ажлын гэрээг анх 2013 онд байгуулж байжээ. Харин энэ жил уг царцсан төсвийг аймгийн ЗДТГ-аас барилгын шинээр хийгдсэн Магадлалын ерөнхий дүгнэлтийг Бондын ажлын хэсэгт явуулсан байна. Энэ тухай Хөрөнгө оруулалт хөгжлийн бодлогын хэлтсийн мэргэжилтэн мэдээлэл хийлээ. Засгийн газрын Бондын ажлын хэсэгт хүргүүлсэн саналаар 2026 оны улсын төсөвт тусгуулахаар Үндэсний аудитын газарт холбогдох материалыг хүргүүлжээ. Дээрх ажлын үр дүнд Монгол улсын 2026 оны төсвийн төсөлд уг барилгын ажлын төсвийг тусгасан байна. Ийнхүү Зээл, Баянбулаг багийн хүүхдүүдийн суралцдаг 16-р сургуулийн багачууд 13 жилийн дараа спорт заалтай болох гэрэл харагдаж эхэлсэн байна.

Ирэх оны улсын төсөвд манай аймагтай холбоотой таван хөрөнгө оруулалт бүтээн байгуулалтын төсөв тусгагдсан.  Үүнд, 2а хорооллын сургууль, цэцэрлэг, 7а хорооллын сургууль, Баянбулагийн 16-р сургуулийн спорт заал, спортын төрөлжсөн сургалттай “Ирээдүй Одод” сургуулийн дотуур байрны барилгын санхүүжилт багтжээ. 
Бусад барилга байгууламжийн  төсөв одоогоор төсвийн төслийн жагсаалтад ороогүй байна.