МЯГМАР
2024.05.22
ЭРДЭНЭТ
C°/C°
АНУ ДОЛЛАР
3527.07
ЕВРО
3736.58
БНХАУ ЮАНЬ
506.33
ОХУ РУБЛЬ
46.46
БНСУ ВОН
2.67
О.ОТГОНБАЯР: Үндэсний зөвлөгөөнд Эрдэнэт үйлдвэрээс 100 гаруй төлөөлөгч оролцоно
О.ОТГОНБАЯР: Үндэсний зөвлөгөөнд Эрдэнэт үйлдвэрээс 100 гаруй төлөөлөгч оролцоно

Аж үйлдвэржилтийн Үндэсний зөвлөгөөн тавдугаар сарын 26-нд Нийслэлд болно. Энд “Эрдэнэт үйлдвэр” ТӨҮГ ямар бүрэлдэхүүнтэй, хэрхэн оролцох талаар Хүний нөөц, захиргааны хэлтсийн дарга О.Отгонбаяраас тодрууллаа. Бид мөн хүний нөөцийн бодлогын хүрээнд хэрэгжиж буй шинэлэг ажлын талаар ч ярилцаж амжсан юм. 

-Аж үйлдвэржилтийн зөвлөгөөнд манайх үндэсний бахархалт үйлдвэрийн хувьд голлох үүрэгтэй оролцох болов уу? 

-Монгол Улсын Ерөнхий сайдын ивээл дор Аж үйлдвэржилтийн Үндэсний зөвлөгөөнийг Уул уурхай, хүнд үйлдвэрийн яам, Эрдэнэс Монгол нэгдэл, Аж үйлдвэржилтийн Үндэсний хороо, Монголын Уул уурхайн үндэсний ассоциаци хамтран Улаанбаатар хотод зохион байгуулна. Хөтөлбөр, төлөвлөгөө нь Эрдэнэт үйлдвэрт ирсэн. Эрдэнэс Монгол нэгдлийн хүрээнд 400 албан хаагч, ажилчдыг энэхүү зөвлөгөөнд оролцуулахаар болсон. Эрдэнэт үйлдвэрээс удирдах ажилтан болон уурхайчдын төлөөлөл 100 гаруй ажилтан Үндэсний зөвлөгөөнд оролцох юм. Бүтцийн нэгжүүдээс нэрс авч, зохион байгуулах комисст хүргүүлсэн. Энэхүү зөвлөгөөнд Эрдэнэт үйлдвэрээс өргөн бүрэлдэхүүнтэй оролцох учраас төлөөлөгчдийг зохион байгуулах, аюулгүй байдлыг хангах бэлтгэл ажил хийгдэж байна. Мөн Эрдэнэт үйлдвэртэй холбоотой мэдээ мэдээллийг хүргүүлэх, илтгэл бэлтгэх ажлууд үргэлжилж байна. Аж үйлдвэржилтийн Үндэсний зөвлөгөөний хүрээнд удирдах ажилтнууд маань Алсын хараа-2050 Монгол Улсын урт хугацааны хөгжлийн бодлогыг хэрэгжүүлэх сургалтад хамрагдсан. “Шинэ сэргэлтийн бодлого”-ын хүрээнд Aж үйлдвэржилтийн сэргэлтийг эрчимжүүлэхэд Үндэсний зөвлөгөөний зорилго оршиж байгаа юм. 

-Үндэсний зөвлөгөөний ач холбогдлыг та хэрхэн харж байна? 

-Өмнө нь Эрдэнэс Монгол нэгдлийн чуулга уулзалт төлөвлөгдөж байсан боловч өргөн хүрээнд, үндэсний хэмжээнд Аж үйлдвэржилтийн зөвлөгөөн зохион байгуулагдах болсон нь илүү ач холбогдолтой. 

Аж үйлдвэржилтийн нэгэн томоохон төлөөлөл нь яах аргагүй уул уурхайн салбар. Тиймээс хөгжлийн шинэ эрин зуунд аж үйлдвэржилтийн талаар барьж буй бодлого, цаашдын зорилго, Эрдэнэс Монгол нэгдлийн хөгжлийн стратеги, боловсрол, эрчим хүч, мэдээллийн технологи зэрэг бусад салбарын уялдаа холбоо Монгол Улсын хөгжлийн хэтийн төлөвийг хэрхэн бүрдүүлэх талаар хэлэлцэх юм. Иймээс Эрдэнэт үйлдвэрийн удирдлагууд, бодлогын түвшний инженер техникийн ажилтнууд, тэргүүлэх мэргэжилтнүүд оролцож, энэ зөвлөгөөнөөс гарсан бодлогын баримт бичиг, хэлэлцүүлгээс гарсан саналууд Эрдэнэт үйлдвэрийн ирээдүйн бодлого зорилтод тусгалаа олно, үйлдвэржилтийн сэргэлтэд хувь нэмэр болно гэж харж байна. 

-Дашрамд, Хүний нөөц, захиргааны хэлтэст сүүлийн үед хэрэгжиж буй шинэлэг ажлын талаар мэдээлэл өгөөч?

-Манай хэлтэс 2023 оны үндсэн зорилтынхоо хүрээнд төлөвлөсөн ажлуудаа цаг хугацаанд нь хэрэгжүүлээд ажиллаж байна. Энэ жилийн хувьд хүний нөөцийн менежментийн тогтолцооны ISO30400 Олон улсын багц стандартын магадлан аудитад бэлтгэх, дотоод аудитыг илүү ахисан түвшинд, менежментийн тогтолцоонд хүний нөөцийн бодлого хэрхэн хэрэгжиж байгааг дүгнэх аудитыг удирдлагын түвшинд хийж байгаа. Аудит энэ сард дуусна. Дүгнэлтээр Эрдэнэт үйлдвэрийн бүтцийн нэгжүүд дээр хүний нөөцийн бодлого аль түвшинд илүү сайн, аль түвшинд сул байна. Юунд анхаарах ёстой вэ, гэсэн тодорхой дүр зураг гарна гэж бид төсөөлж байгаа. Эрдэнэт үйлдвэр улсын хэмжээнд ажиллах эрх бүхий хүний нөөцийн 27 аудитор бэлтгэсэн. Энэ хүмүүс өнөөдрийн байдлаар 10 дахь байгууллага дээрээ дотоод аудит хийж байна. Олон хүн/цаг аудит хийсэн, мэргэшсэн аудиторуудыг Монгол Улсын хэмжээнд анх удаа бэлдэж чадсан нь том ололт, амжилт юм. Өөрөөр хэлбэл гаднын байгууллагад хөндлөнгийн аудит хийх чадвар бүхий аудиторууд бэлтгэгдсэн. Аудит гэдэг нь үйл ажиллагаагаа хэмжүүрээр үзэж байна гэсэн үг. Хүний нөөцийн бодлого аль талдаа илүү оновчтой, аль талдаа дутмаг явааг хэмжиж дүгнэж байгаа юм. Ер нь бүтцийн нэгжийн удирдлагаас зохион байгуулалт, төлөвлөлт гээд маш их зүйл шалтгаалж байгаа нь эхний дүгнэлтээс харагдсан. Тэгэхээр аливаа байгууллага цаашдаа олон улсын стандартын түвшинд үйл ажиллагаагаа авч явъя, тогтолцоогоо илүү сайжруулъя гэвэл үйлдвэрийн зүрх, тархи болсон удирдах ажилтнууд дээрээ шинэ сэргэлтийн бодлого, манлайллыг хэрэгжүүлэх шаардлага байна гэж харж байгаа. Өмнө нь үйлдвэрийн төлөвлөгөөт даалгаврыг сайн биелүүлэх, үйлдвэрлэлийн тасралтгүй найдвартай ажиллагаа, тоног төхөөрөмжийн шинэчлэл нэн тэргүүний зорилт байсан. Шинэ эрин зуунд найдвартай авч явах хүний нөөцийг илүү оновчтой, тогтвортой, зөв төлөвлөлттэйгөөр бүрдүүлэх нь илүү чухал болсон төдийгүй хөдөлмөрийн зах зээл ч үүнийг шаардаж байгаа. 

-Бодлогын баримт бичгийн хяналт шалгалтыг бүтцийн нэгжүүд дээр анх удаа зохион байгуулж байгаа. Энэ талаар..? 

-Засгийн газраас баталсан бодлогын баримт бичгийн хяналт шалгалтын журамтай нийцүүлсэн, Эрдэнэт үйлдвэрийн Ерөнхий захирлын тушаалаар баталсан журмын хүрээнд явагдаж байгаа ажил. Нийцлийн стандарт гэж нэрлээд байгаа. Эрдэнэт үйлдвэрийн үйл ажиллагаанд хэрэгжиж буй бодлого, журам, дүрэм хоорондоо хэр нийцэлтэй байна, бодлогын баримт бичгүүд газар дээрээ хэр зэрэг хэрэгжиж байна, тэр нь тухайн бүтцийн нэгжийнхээ үйл ажиллагаатай хэрхэн уялдаж байгааг тодорхой удирдамжийн дагуу Хуулийн хэлтэс, Дотоод хяналт, мониторингийн хэлтэс, Хүний нөөц, захиргааны хэлтэс, Стратеги, хөгжлийн газар оны турш хяналт шалгалтыг зохион байгуулна. Энэ жилийн хувьд хяналт шалгалтыг зөвлөн туслах зорилготой явуулж байгаа. 

-Чадамжийн стандартын үнэлгээчдийг бэлтгэсэн. Тэд ямар үүрэгтэй ажиллах вэ? 

-Чадамжийн стандартын үнэлгээчин бэлтгэх ажлыг үе шаттайгаар зохион байгуулж байна. Хүний нөөцийн бодлогын хүрээнд үйл ажиллагаандаа сайжруулалт хийе гэвэл хүнээ л хөгжүүлэх хэрэгтэй. Мэргэшсэн, чадварлаг хүний нөөц бүрдүүлэх чиглэлээр тодорхой ажлууд хийж байгаагийн нэг нь энэ чадамжийн үнэлгээчин бэлтгэх. Өнөөдөр манайх эрх бүхий сертификаттай чадамжийн 100 гаруй үнэлгээчин бэлтгэсэн. Энэ хүмүүс ажлын байран дээр сонгон шалгаруулалт явуулах, ажилтныг үнэлэх, аттестатчилал зохион байгуулах эрхтэй. Бид сонгон шалгаруулалтад үнэлгээчний сертификаттай, эрх бүхий хүмүүсийг оруулахыг зорьж байгаа. Манайд олон сонгон шалгаруулалт хийгддэг учраас хараахан 100 хувь хангаж чадахгүй байна. Гэхдээ тодорхой хувийг бэлтгэн хангасан нь давуу тал болж байна.  

-Сонгон шалгаруулалтыг боловсронгуй болгох чиглэлд программ хангамжийн цахим шинэчлэлүүд хийгдэж байна уу? 

-Энэ онд бид процессын сайжруулалтын 11 төсөл хэрэгжүүлэхээр оны эхэнд төлөвлөсөн. Одоо манай найман төсөл 50-70 хувийн гүйцэтгэлтэй явна. Процессын сайжруулалт гэдэг тухайн ажилтны үйл ажиллагаанд тулгамдаж буй асуудал, саад бэрхшээлийг даван туулахад чиглэсэн төслүүд юм. Ажилтан өөрт тулгамдаж буй асуудлаа гаргаж ирээд, түүнд нь хамтын шийдэл гаргаад, төслийн нэг баг болон хэрэгжүүлдэг энэ аргачлалыг бид сүүлийн 5 жил хэрэгжүүлж байна. Хүний нөөц болон албан хэрэг хөтлөлтийн үйл ажиллагаанд гарч буй ололт, амжилтууд, программын сайжруулалтууд, үйл ажиллагаа, процессын шинэчлэлүүд бүгд төслийн үр дүн. Энэ жил бид хүний нөөцийн чиглэлээр цахимаар ээлжийн амралт авч байгаатай адил чөлөөний хуудсыг цахимаар олгох модулийн шинэчлэлийн төслүүдийг хэрэгжүүлээд явж байна. Оны төгсгөлд 11 төсөл амжилттай хэрэгжиж дуусахад хүний нөөц болон албан хэрэг хөтлөлтийн үйл ажиллагаанд хоёр дахь сайжруулалт хийгдсэн байна. 

-Баярлалаа.

 Эх сурвалж:"Erdenettoday.mn"

Ард түмний хүч намын дарга Л.Гүндалай IV тойрогт өрсөлдөнө
Дулааны цахилгаан станц бүрэн зогсолтын 3 хоногт 206 ажил хийхээр төлөвлөжээ
Уурхайчин баг. 9-р цэцэрлэгийн гадна инженерийн шугам сүлжээний засвар хийх
"Цахим Эрдэнэт-1" хөтөлбөрийн хүрээнд Нийтийн тээврийн үйл ажиллагааг цахимжуулах систем хийх
ЭРДЭНЭТЧҮҮД ЭНЭ ХАВАР 15944 МОД ТАРЬЛАА
ХҮҮХЭД БАЯРЛУУЛЖ ЭХЭЛСЭН АЖЛЫН ҮЙЛС НЬ ДЭЛГЭРЭХ БАЙХ АА
ХҮҮХДҮҮДИЙН ДУНД ГАР ЗУРАГ, РИЙЛИЙН УРАЛДААН ЯВУУЛСАН
ТОП 100 ААН-ИЙН “ШИЛДЭГ ТАТВАР ТӨЛӨГЧ”-ӨӨР ШАЛГАРСАН
ӨНГӨРСӨН ОНД 771 САЯ ТӨГРӨГ ТӨСӨВТ ТӨВЛӨРҮҮЛСЭН
“МАНАЙ КОМПАНИ “УЛСЫН ШИЛДЭГ ТАТВАР ТӨЛӨГЧ”-ӨӨР ДАХИН ШАЛГАРЧ БАЙНА
“А” ҮНЭЛГЭЭТЭЙ ААНБ, ИРГЭДЭЭ ШАЛГАРУУЛДАГ УЛАМЖЛАЛТАЙ
ОРОН НУТГИЙН “ШИЛДЭГ ТАТВАР ТӨЛӨГЧИД”-ИЙГ ТОДРУУЛЛАА
АЖИЛЧИД ГАР ДЭЭРЭЭ 1-1.5 САЯ ТӨГРӨГИЙН ЦАЛИН АВЧ БАЙНА
СПОРТ ЗААЛУУД ИРГЭДЭД ҮНЭ ТӨЛБӨРГҮЙ ҮЙЛЧИЛНЭ
Уурхайчин баг. 9-р цэцэрлэгийн гадна инженерийн шугам сүлжээний засвар хийх
Г.ЁНДОН: ҮЙЛДВЭР ЖИЛД 12 САЯ МОД ТАРИХ ТЭЗҮ ХИЙСЭН
ЦАГААН ТООСНЫ БҮСИЙН СУРГУУЛИУДЫН ЦОНХЫГ СОЛИНО
АЙРАГИЙН ГОЗГОРЫН МАЛТЛАГАД 30 САЯ ТӨГРӨГ ЗАРЦУУЛНА
Д.МӨНХБАТ: БИД ОЛОН ТҮҮХЭН ШИЙДВЭР ГАРГАСАН
, Орон сууцны хороолол доторх авто замын зураг төсөл (Цагаанчулуут баг, Орон сууцны 7 дугаар хорооллын авто замын сүлжээг А/1002 авто замтай холбох)
ШҮҮХ ДЭЭР ГАЦСАН 49 ХУВЬТАЙ ХОЛБООТОЙГООР “ЭРДЭНЭТ ҮЙЛДВЭР”-Т БЭТ ТОМИЛОГДОХ УУ
Баянбулаг, Их залуу, Шанд, Даваат багийг холбосон шилэн кабель татах /хашаанаас гаргах/
Тусгай зориулалтын камержуулалт хийх
ГОК-ЫН ОВООЛГОН ДЭЭР ЦЭЦГЭЛСЭН ТАВАН КОМПАНИ ЭРДЭНЭТЧҮҮДЭД ХУВЬ ӨГӨХ БОЛООГҮЙ ЮУ
Сургуулийн өмнөх боловсролын гадна камержуулалт хийх
Их залуугийн өвөрт шинээр баригдах "Далай их буян" ХХК-ийн буяны цогцолборын цахилгаан хангамжийн дэд станцын барилга угсралт хийх
Ерөнхий боловсролын сургуулийн дотор камержуулалт шинээр хийх
Ерөнхий боловсролын сургуулийн гадна камержуулалт шинээр хийх
ГХБХБГ-т Барилгын материалын сорилт шинжилгээний  лабораторид шаардлагатай тоног төхөөрөмж  худалдан авах /Багц-2/
Цэцэрлэгт хүрээлэнгийн зүүн хэсгийг цахилгаан хангамжийн эх үүсвэртэй холбох
Булган аймаг сурагчдыг ангидаа шүдээ угаах цагтай болгожээ
ГХБХБГ-т 1:1000 масштабтай байр зүйн зургийн шинэчлэл, геопортал цахим системд оруулах
Төлбөр хураах цэгийг нүүлгэн шилжүүлэх /үргэлжлэл/
Эрдэнэт шинжлэх, ухаан технологийн паркийн барилга
НАМТАР САЙТАЙ Ч НЭР МУУТ
Кувейтийн гудамжинд байрлалтай төв цэвэр усны шугамын ажил
Гэр хорооллын газрыг дахин төлөвлөж барилгажуулах ажлын хүрээнд Цагаанчулуут багийн 49-53-р гудамжинд УДДТөв барих
БОЭТ-д нэн шаардлагатай тоног төхөөрөмж худалдан авах
Нутгийн удирдлагын ордны 3 дугаар  давхрын өрөөг хүндэтгэлийн танхим болгон засварлаж тохижуулах
Шинээр ашиглалтад орох "Номын өргөө"-нд тоног төхөөрөмж худалдан авах
Ард түмний хүч намын дарга Л.Гүндалай IV тойрогт өрсөлдөнө
БАГШ НАРЫН ГАР УТСЫГ ХУРААЖ АВАХ САЙДЫН ТУШААЛ УУ, ЭРХЛЭГЧИЙН ШИЙДВЭР ҮҮ
НАЙМАН ЖИЛ ГУЙЛГАЛАА, ОДОО БОЛЛОО
АРВАН АВТОБУС ЯВАХ ГАЗАРТ ГУРВАН АВТОБУСНЫ ГЭРЭЭ ХИЙЧИХЭЭД “НИЙТИЙН ТЭЭВЭР МУУ” ГЭСЭН СУДАЛГАА ЗАХИАЛАХ НЬ ХЭНД АШИГТАЙ ВЭ
ГОК-ЫН ОВООЛГОН ДЭЭР ЦЭЦГЭЛСЭН ТАВАН КОМПАНИ ЭРДЭНЭТЧҮҮДЭД ХУВЬ ӨГӨХ БОЛООГҮЙ ЮУ
ERDENETNEWS.MN САЙТЫН ЭРХЛЭГЧЭЭР Б.ӨЛЗИЙДЭЛГЭР АЖИЛЛАЖ ЭХЭЛЛЭЭ
ЭРДЭНЭТЭЭС ЭХЭЛНЭ 33-34-33 ТЭМЦЭЛ ҮР ДҮНГЭЭ ӨГЧ ЭХЭЛЛЭЭ
Бүрэнбүст багт шинээр камержуулалт хийх
ТЕНДЕР ШАЛГАРУУЛАЛТЫН ЗАРЛАЛ
Чандмань багт шинээр камержуулалт хийх
Уурхайчин баг. 9-р цэцэрлэгийн гадна инженерийн шугам сүлжээний засвар хийх
Эрдэнэт голын голдирол дагуу буюу Далиу булгийн голын урд талд ногоон зурвас байгуулах.
Уурхайчин багт шинээр гэрэлтүүлэг хийх
ТЕНДЕР ШАЛГАРУУЛАЛТЫН ЗАРЛАЛ
ДАРГА НАР ЧӨЛӨӨ АВАХГҮЙ БАЙХЫГ САНУУЛАВ
М.ТҮМЭНЖАРГАЛ: ОДООГИЙН БАЙДЛААРАА БАЙВАЛ МАНАЙ НИЙТИЙН ТЭЭВЭР СӨХӨРЛӨӨ
26-р цэцэрлэгийн баруун талын уулзвараас Халуун усны уулзвар хүртэлх авто замд их засварын ажил хийх зураг төсөл боловсруулах
ТЕНДЕР ШАЛГАРУУЛАЛТЫН ЗАРЛАЛ
А1002 замын уулзвараас 15-р сургуулийн баруун талын уулзвар хүртэлх авто замд их засварын ажил хийх.
Эрдэнэ багт гудамж хоорондын зам хийх /2 мөртэй зам/