Энэ онд гэр хорооллын айл өрхүүд гурвалсан үйлчилгээ буюу өндөр хурдны интернэт үйлчилгээнд холбогдож, дэлхийн соёлтой хөл нийлүүлж эхэлсэн. Үндэсний томоохон аж ахуйн нэгж болох  “Юнивишн” ХХК-тай хамтран хэрэгжүүлж байгаа уг ажлын талаар Орхон аймгийн Засаг даргын орлогч А.Түвшинжаргалаас тодрууллаа. 

-“Юнивишн” компанитай хамтарч гэр хороололд гурвалсан үйлчилгээг нэвтрүүлсэн. Энэ ажлын явц, хэдий хугацаанд хэдэн айл хамрагдав, үргэлжлэх хугацааны талаар мэдээлэл өгнө үү?

-Орхон амйгийн Засаг дарга “Юнивишн” компанитай таван жилийн хугацаатай гэрээ байгуулсан, энэ хугацаанд үргэлжлэнэ. Ажлын явцад манай гэр хорооллын есөн багийн 10 орчим мянган өрхийг гурвалсан үйчлилгээнд холбоно. Уг ажилд үүрэн телефон, хурдны интернет, телевизийн олон сувгийн гаралтуудыг нэвтрүүлэхээр гэрээ хийсэн. Орхон аймгаас хүлээж байгаа үүрэг бол гэрэлтүүлгийн шонгуудыг “Юнивишн” компанид ашиглуулахаар эхний нэг жил үнэ төлбөргүй, хоёр дахь жилээс тодорхой хэмжээний үнийн дүнгээр “Юнивишн” компани төлбөр төлнө. Орхон аймагт үйл ажиллагаа явуулж байгаа үүрэн телефон холбооны  компаниудаас анх удаа “Юнивишн” компани санал тавьсан учраас хамтран ажиллаж байна.

-Хамгийн гол нь иргэдэд мэдээлэл хүргэх тал нь ач холбогдолтой. Дээрээс нь өндөр хурдны интернэт ашиглах давуу тал зэргээрээ энэ удаагийн төсөл иргэдийн хувьд үнэхээр хэрэгтэй эд л дээ. Тэгээд ч улсын хэмжээнд анх удаа манай аймгийн гэр хорооллынхон “Юнивишн”-ийн ухрааж үздэг үйлчилгээг авч байна?

Монгол улсын хэмжээнд анх удаа Орхон аймагт гэр хороололд гурвалсан үйлчилгээг энэ компанийн хамт олон оруулж ирлээ. Тус компанийн удирдлагуудын үзэж байгаагаар, нийтдээ 5 орчим тэрбум төгрөгийн хөрөнгө оруулалт хийж байгаа гэх мэдээлэл өгсөн. Бусад багууд дээр тус компани өөрийн менежмэнтээр хэрэглэгчдийг татах, багц үйлчилгээгээ танилцуулах ажиллагаа зохион байгуулж байна. Төсөл маань амжилттай хэрэгжээд явбал иргэдэд л илүү үр өгөөжтэй. Нөгөө талдаа хувийн хэвшлийн энэ том компани өөрийн хөрөнгөөр 5 тэрбум төгрөгийн хөрөнгө оруулалт хийж байгаа бусдад маш сайн үлгэр дууриалал болох байх аа.

-Ямар нэг байдлаар төрийн зүгээс анхан шатны нэгж болох багаараа дамжуулан албадлагын чанартай хэрэгжүүлж байгаа зүйл биш биз дээ?    

 Үгүй, тийм юм хаана ч байхгүй. Ердөө иргэдийн, хэрэглэгчийн л өөрсдийн сонголтын асуудал. Технологийн боломжийг нь хувийн хэвшлийнхэн хөрөнгө оруулалтаа хийгээд оруулаад ирлээ. Төр засаг хамтарч ажиллаж байна. Зарим талдаа төр иргэдийнхээ эрх ашгийг хамгаалах үүднээс ажиллаж байгаа. Аймгийн Засаг дарга түүний Тамгын газар болон Баян-Өндөр сумаас “Юнивишн компанийг та заавал сонгох ёстой, бид гэрээтэй” гэсэн ойлголт өгөөгүй, өгөх ч боломжгүй. Хэрэглэгч өөрөө интернет хурдны үйлчилгээ, телевизийн олон сувгийн үйлчилгээг авна гэж хүсвэл, бүртгүүлээд, хураамжаа төлөөд явна. Үүнд,15 мянган төгрөгийн хөнгөлөлт үзүүлэх гэсэн зүйл заалт ч яригдсан.  “Юнивишн” компанийн гурван дугаарыг авсан тохиолдолд тухайн өрхийхэн гурван дугаараа бүрэн хэрэглэж байвал тухайн хэрэглэгч мөнгө төлж байна гэсэн үг юм. Ийм тохиолдолд 15 мянган төгрөгөөр хөнгөлөгдөнө гэж байгаа. Төсөл хэрэгжиж байгаа багийн иргэдийн ярианаас харвал энэхүү гурвалсан үйлчилгээ иргэдэд илүү боломж, тав тухыг мэдоүүлж байгаа. Өнөөдөр Эрдэнэтийн гэр хорооллын зарим багийн иргэн дуртай киногоо, спортын сувгаа ухрааж байгаад нөхөн үзэж байна. Ийм боломжийг Эрдэнэтээс өөр хаана ч эдлэх боломжгүй байгаа нь үнэн. Мөн “Юнивишн”-д холбогдсон гэр хорооллын иргэдээс орон нутгийн телевизүүдийг 999 дэх сувгаас эхлэх биш,  эхний арав доторх сувгууд руу оруулах боломжтой юу гэдгийг судлаад хариу өгөхийг хүссэн.

Энэ ажил яваандаа хэрэгжих байх. Иргэд, үзэгчдийн хувьд орон нутгийн төр, захиргааны байгууллагаас хийж хэрэгжүүлж байгаа ажил болон мэдээллийг хүргэх талаасаа орон нутгийн сувгуудийг эхний аравт оруулах нь зайлшгүй шаардлагатай гэж үзэж байгаа. Нөгөө талаас бол ойрын хугацаанд Техникийн боломжоо судалж байгаад  хариу өгнө гэсэн.

-Орон нутгийн зүгээс иргэдийг мэдээллээр хангах чиглэлээр энэ төсөл хөтөлбөрийг эхлүүлсэн, цаашдаа алслагдсан багуудыг гурвалсан үйлчилгээнд хамруулах талаар ямар бодлого баримталж байгаа вэ?

-“Юнивишн” компани зах зээлийн судалгаагаа сайн хийсэн. Зах зээлийн боломж, гэр хорооллын өрхийн нягтаршил энэ тэр гээд судалгааны олон ажил хийсэн байдаг. Бид ч гэр хороололдоо гэрлийн шонгууд авааччихсан, үүгээр дамжаад шилэн кабель татаж, айлууд руу оруулах боломж бүрдүүлсэн. Дэд бүтэц нь сайн хөгжсөн манайхаас өөр аймаг байгаагүй. Цаашдаа бид дэд бүтцээ алслагдсан багууд руугаа оруулахад, “Юнивишн” компани Эрдэнэтийг интернэтийн гурвалсан үйлчилгээгээр 100 хувь хангах боломж байгаа. Цаашдаа дэд бүтцийн хөгжилд Орхон аймаг тодорхой хэмжээгээр хөрөнгө оруулалт хийх шаардлагатай бол бий. Үүнийг шийдсэний дараа гурвалсан үйлчилгээ орох бүрэн боломжтой болно.