[sgmb id="1"]               “Цагаан тоос” дэд хөтөлбөрийг хэрэгжүүлэх төрийн захиргааны талын Ажлын хэсгийн ахлагч С.Батжаргал энэ үеэр байр сууриа илэрхийлсэн юм. Хөтөлбөр 2021 он хүртэл үргэлжлэх дунд хугацааных байхаар төлөвлөгдөж байна. Өмнө нь урт хугацааны хөтөлбөр байсан. Ач холбогдол нь тийм сайн байгаагүй. Одоо бид энэ хөтөлбөрийг 2018-2021 оны хооронд дөрвөн жилд хэрэгжүүлнэ. Ингэхдээ хөтөлбөрөө хамгийн түрүүнд хот төлөвлөлттэй уялдуулна. Мөн хөтөлбөр боловсруулахын өмнө олон төрлийн судалгаа хийсэн байгаа. Иргэдийн эрүүл мэндийн талаар ч мэргэжлийн байгууллагууд судалгаа хийсэн. Цаашид ч судлах ёстой. Дан ганц эрүүл мэндийн гэлтгүй орчны эрүүл ахуй, байгаль экологийн талаар ч судалж байна. Судалгааг нэг бус нэлээн хэдэн байгууллагаар хийлгэсэн ч зүйл байна. Үүнийхээ дараа  тэдгээрийн  алийг нь барих юм бэ гэдгээ нарийн тогтоох хэрэгтэй. Мөн Эрдэнэт үйлдвэрийн зүгээс цагаан тоос хөтөлбөр хэрэгжих 2021 он хүртэлх хугацаанд хэдий хэмжээний хөрөнгө, мөнгө гаргах юм вэ. Тэр бүү хэл Хаягдлын аж ахуй ирээдүйд хаана байх, ямар технологи нэвтрүүлэх тухай ч одооноос ярих хэрэгтэй болж байна. Иргэдэд нэгдсэн нэг ойлголт, мэдээлэл өгөх нь зөв гэдэгтэй санал нэг байна. Энэ бүх зүйлийг дараагийн хуралдаан гэхэд тодорхой болгох хэрэгтэй” гэсэн юм.