Гэр бүлийн хүчирхийлэлтэй тэмцэхэд олон талт хамтын ажиллагаа бүсийн зөвлөгөөн манай аймагт болж байна. Энэ зөвлөгөөнд Булган, Дархан-Уул, Сэлэнгэ, Архангай, Хөвсгөл аймгийн гэр бүлийн хүчирхийлэлтэй тэмцэх төрийн байгууллагуудын төлөөлөл оролцож байна. Гэр бүлийн хүчирхийлэлтэй тэмцэх тухай хууль шинэчилсэн найруулгаар 2017 оноос хэрэгжиж эхэлсэн. Шинэчилсэн найруулгаар  төрийн болон төрийн бус байгууллагын үүрэг оролцоог тодорхой зааснаараа онцлог болсон. Гэвч гэр бүлийн хүчирхийлэлтэй тэмцэхэд төрийн албан хаагчдыг чадавхижуулах зайлшгүй шаардлага тулгарч байгааг М онгол улсын гэмт хэргээс урьдчилан сэргийлэх ажлыг зохицуулах зөвлөлийн ажлын албаны дарга Л.Нямгэрэл онцолсон. Нийслэлийн хэмжээнд энэ үйл ажиллагааг хэрэгжүүлж ажиллажээ. Харин аймаг, орон нутгийн  гэмт хэргээс урьдчилан сэргийлэх ажлыг зохицуулах салбар зөвлөлүүдийн төрийн албан хаагчдыг чадавхижуулахын тулд хангайн бүсийн зөвлөгөөнийг зохион байгуулж байна. Хангайн бүсийн аймгуудын зөвлөгөөнд  гэр бүлийн хүчирхийлэлтэй тэмцэхэд  мэдээлэл, сургалт сурталчилгаа өндөр ач холбогдолтой байгааг дурьдлаа. Ялангуяа гэр бүлийн хүчирхийлэлтэй тэмцэхэд богино хэмжээний зорилтот нэвтрүүлэг ихээхэн үр дүнтэй гэдгийг Цагдаагийн ерөнхий газрын урьдчилан сэргийлэх хэлтсийн статистик мэдээ, судалгаа нотолж байна. Нийслэлийн цагдаагийн газарт хагас сая дуудлага ирсний дөрөвний нэг нь гэр бүлийн хүчирхийлэлтэй холбоотой дуудлага иржээ. Орхон аймагт гэмт хэргээс урьдчилан сэргийлэхээр хийж байгаа ажлын талаар салбар зөвлөлийн дарга П.Пүрэвлхагва  зөвлөгөөний үеэр танилцууллаа.Шуурхай үйлчилгээний төвийг байгуулж, камержуулалтын нэгдсэн төв, Онцгой байдлын газар, түргэн тусламжийн үйлчилгээг нэг дор байршуулах нь зүйтэй гэдгийг хэлж байлаа. Гэр бүлийн хүчирхийлэлтэй тэмцэх хууль, эрхзүйн орчин бүрдсэн. Иргэдийн хандлага  ч өөрчлөгдсөн.  Гэвч мэдээллийн нэгдсэн сантай болох бусад улс орнуудын дэвшилтэт туршлагаас хуваалцах ажил дутмаг байгааг  зөвлөгөөнд оролцогч сануулсан юм.[sgmb id="1"]