Орхон аймаг 2036 он хүртэлх хөгжлийн төлөвлөгөөндөө өрх бүр хашаандаа өрхийн үйлдвэрлэгч болох зорилт тавьсан. Айлууд хашаандаа эмийн болон гоо сайхны ургамал тариалж, түүхий эд үйлдвэрлэдэг болохын тулд найдвартай эрчим хүч хэрэгтэй. Иймд 150 мвт-ын цахилгаан эрчим хүч үйлдвэрлэх шаардлагатай. Гэр хорооллын 100 өрхийн 20 нь биотехнологи үйлдвэрлэгч болохоор тооцоход Эрдэнэт хотын эргэн тойрон дахь 35 квт-ын тойрогт эрчим хүчний схем байгуулах зардал 2025 оны төсөвт тусгагдсан. Дээрх эрчим хүчний найдвартай хэрэглээг бий болгосноор Орхон аймаг биотехнологи үйлдвэрлэгч буюу хашаандаа эмийн болон гоо сайхны ургамал тариалагч 7800 гаруй өрхийн үйлдвэрлэгчтэй болно гэсэн судалгаа хийгээд байна. Биотехнологийн өрхийн үйлдвэрлэгчдийг бодлогоор дэмжих юм байна.