Орхон аймагт сүүлийн жилүүдэд төлөвлөлтгүй барилга орон сууцны хороолол ихээр баригдаж, үүнийг дагаад авто замын хөдөлгөөнд түгжрэл үүсч иргэдийг бухимдуулж байна. Ялангуяа өглөө оройны оргил ачааллын үед түгжирч Улаанбаатар хотын араас орж байгаа нь илт. Үүнтэй холбоотой аймгийн Засаг дарга Б.Зоригтбаяр энэ асуудлыг хөндөж онцлон ярилаа. Тодруулбал, хотын доторх оргил ачаалал, төвлөрлийг сааруулах чиглэлээр хөл хөдөлгөөн ихтэй, хотын төв газруудад барилга, орон сууц бариулахгүй байх тал дээр газар төлөвлөлтийн хэлтсийн дарга нарт үүрэг даалгавар өглөө. Өөрөөр хэлбэл хотын төвд олон барилга баригдах тусам замын хөдөлгөөн, машины зогсоол ч хүндрэлтэй асуудал болж цаашлаад иргэдийн бухимдах асуудал энүүхэнд болох байх.