C°/C°
3527.07
3736.58
506.33
46.46
2.67
Дэлхий өдөр ирэх бүр цахимжиж байгаа өнөө цагт Монгол хүний дархлаа, хүн байхын утга учир, хүнлэг зан төлөвийг хүүхэд залуусын тархинд суулгахын тулд Засгийн газраас “Номын баяр” олон нийтийг хамарсан үйл ажиллагааг сүүлийн жилүүдэд зохион байгуулсаар байгаа. Орхон аймагт 1000 хүүхэд их зохиолч Д.Нацагдоржийн “Миний нутаг” шүлгийг уншсанаар энэ жилийн “Номын баяр”-ыг нээлээ. Хүүхдүүд мянгуулаа Монгол шүлгээ уншиж байгаа нь бахдалтай юм.
Улсын хэмжээнд 36 дахь удаа болж буй “Номын баяр”-ыг Амарын талбайд “Үндэсний бичиг соёл, номын өдрүүд” агуулгын дор зохион байгуулж байна.
“Номын баяр” хоёр өдөр үргэлжилж, аймгийн Соёл урлагийн газар, Хүүхдийн номын сан, ЕБС-иуд, Соёлын төвүүд хамтран хүүхэд залуусын дунд 17 төрлийн урлаг соёл, танин мэдэхүй, ном сурталчилсан үйл ажиллагаа зохион байгуулах юм. Мөн төрийн болон хувийн хэвшлийн байгууллагуудын дунд “Шилдэг номын сантай” байгууллагыг шалгаруулна.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ErdenetNews.mn хариуцлага хүлээхгүй.