Хот байгуулалт, барилга захиалагчийн албаны Ахлах инженер Х.Нэргүйгээс камержуулалтын ажлын талаар мэдээлэл авлаа.

-Орхон аймгийн хэмжээнд энэ онд 710 ширхэг камержуулалтын ажлыг хийнэ. Нийдээ 24 багийн 28 хэсэгт хуваагдаж суурилуулах юм. Гол байршил нь гэр хороолол, орон сууцны хороолол гэж ялгаж байгаа боловч гэр хороололд тоглоомын талбай, зам, уулзвар, сургуулийн гарц, орц, зэрэг төвлөрсөн газруудад камержуулалтыг нэмэгдүүлж байгаа. Камержуулалтад нийтдээ 4 тэрбум 27 сая төгрөгийн төсөвт ажил хийх гэж байна.

-Ялангуяа сургууль, цэцэрлэгт гадна, дотно камер, тусгай зориулалтын болон царай таних камер гэдгээрээ онцлог болох юм. Эдгээр ажлыг гүйцэтгэхээр одоогоор таван компани шалгарч, 11 ажил хийгээд байна. Энэ жилийн хувьд камержуулалтыг сургууль цэцэрлэгийн ойр орчимд түлхүү суурилуулна. Тухайлбал, сургууль цэцэрлэгт гадна, дотор, СӨБ-ийн өмнөх гээд гурван хэсгээр камер тавина. Нийт сургууль, цэцэрлэгт 220 камер шинээр тавигдаж байгаа.