Монголын татварын албанаас жил бүрийн тавдугаар сарын хоёр дахь долоо хоногт уламжлал болгон зохион байгуулдаг “Татвар төлөгчдийн өдрүүд” 25 дахь жилдээ “Хариуцлагатай татвар төлөгч” уриан дор хийлээ. “Татвар төлөгчдийн өдрүүд” 2024 оны тавдугаар сарын 6-10-ныг хүртэл үргэлжилнэ. Энэ өдрийг тохиолдуулан аймгийн Татварын газраас “Татвар төлөгчдийн өдрүүд -2024” өдөрлөгийг Амарын талбайд зохион байгууллаа. Энэ үеэр улс эх орныхоо хөгжлийн төлөө гар бие оролцож, үндсэн хуулиар хүлээсэн үүргээ биелүүлэн ажилласан Орхон аймгийн шилдэг татвар төлөгчөөр дөрвөн ААНБ, хоёр иргэн шалгарч шагналаа гардлаа. Орон нутгийн шилдэг татвар төлөгч байгууллагаар “Эрдмин”, “Ора Метал” ХХК шалгарсан бол улсын шилдэг 10 татвар төлөгч байгууллагын нэгээр Орхон аймгийн “ОТК” ХХК шалгарчээ.