Орхон аймгийн Орон нутгийн өмчийн газар нь Худалдан авах ажиллагааны ил тод байдлыг хангах зорилгоор Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 47 дугаар зүйлийн 47.4 дэх заалтын дагуу тендер шалгаруулалтын үнэлгээний хорооны бүрэлдэхүүнд орж ажиллах мэргэжлийн холбоодын төлөөлөл, төрийн бус байгууллагуудын худалдан авах ажиллагааны чиглэлээр мэргэшсэн А3 гэрчилгээтэй иргэдийг бүртгэж байна. 

ТАВИГДАХ ШААРДЛАГА:

1. Орхон аймагт байнгын оршин суудаг байх /үнэлгээний хорооны үйл ажиллагаанд өдөр тутам оролцох учраас Орхон аймагт амьдардаг байх шаардлагатай/;
2. Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 47 дугаар зүйлийн 47.3-т заасан шаардлагыг хангасан байх;
3. Мэргэжлийн холбоодын төлөөлөл, төрийн бус байгууллагын гишүүн байх;

 БҮРДҮҮЛЭХ МАТЕРИАЛ:

1. Анкет бөглөх, / Анкет татах /
2. Иргэний үнэмлэхийн хуулбар; 
3. Худалдан авах ажиллагааны А3 сертификатын хуулбар; /хүчин төгөлдөр хугацаатай байх/ 
4. Мэргэжлийн холбоодын төлөөлөл, төрийн бус байгууллагын гишүүн бол үнэлгээний хороонд ажиллах тухай тухайн байгууллагын албан бичгийг тус тус бүрдүүлэх шаардлагатай.

Жич: Бүртгэл 2023.12.04-2023.12.31-ний өдрүүдэд явагдана.

 МАТЕРИАЛ ХҮЛЭЭН АВАХ ХАЯГ:

Орхон аймаг, Нутгийн удирдлагын ордоны 113 тоот өрөө

Утас:70358570
Цахим шуудан: Umcherdenet@gmail.com