Орхон аймгийн хөдөөний ганц сум болох Жаргалант сумын сургуулийн дотуур байр, Эмнэлгийн байрны халаах хэрэгсэлүүд шатаж гэмтэл гарснаас халаалт доголдсон талаар аймгийн Засаг даргын шуурхай дээр мэргэжлийн байгууллага мэдээллээ. Өвөлжилтийн бэлтгэл гэж хэдэн сарын өмнөөс ярьж, төлөвлөн ажилласан ч хүйтний улирал ирсэн энэ өдрүүдэд сургуулийн дотуур байрны сурагчид, эмнэлэгт хэвтэж байгаа өвчтөнүүд даарч, тав тух алдаж байна. Эрдэнэт ДЦС ТӨХК-ийн мэргэжлийн хүний үзлэгээр, сургуулийн дотуур байрны 11 ширхэг, Эмнэлэгийн 6 ширхэг халаах хэрэгсэл цоорч, ус алдсан байна.
Мөн Яргуйт багийн 28-р цэцэрлэгийн барилгад Хотын Захирагчийн алба, Хот Байгуулалт Барилга Захиалагчийн алба, гүйцэтгэгч “Ээлт Өлгий” ХХК-ийн төлөөллийг оролцуулсан үзлэг хийж байна. Шанд баг дахь 17-р сургуулийн хуучин халаалтын зуухны засварын ажлыг “Тоджаргал” ХХК гүйцэтгэсэн. Уг ажлын чанарын гүйцэтгэлийг мэргэжлийн байгууллага хийж байгаа аж.