Аймгийн засаг даргын шуурхайд Хот байгуулалт, барилга захиалагчийн алба ОНӨҮГ-ын дарга Ц.Баяржаргал “Уран эгшиг сургуулийн их засварын ажил 90 гаруй хувьтай байгаа. Есдүгээр сарын 25 гэхэд засварын ажлыг дуусгах талаар гүйцэтгэгч компани танилцуулсан. Өргөтгөлийн барилгын ажил эхлэлийн шатандаа явж байгаа. Харин 17 дугаар сургуулийн засварын хувьд өнгөрсөн 7 хоногт гүйцэтгэгч байгууллага, эцэг эхийн төлөөлөл, үйлдвэрчний төлөөлөл, сургуулийн захиргаа, манай байгууллагаас хамтарсан уулзалт хийсэн. Нөхцөл байдалтай танилцсан. Энэ үеэр гүйцэтгэгч байгууллагын зүгээс аравдугаар сарын 25-н гэхэд бүх засварын ажлыг дуусган хүлээлгэн өгөхөөр тохирсон. Ажил явагдаж байна” гэлээ.