Уртын голын 258 айлын орон сууцны үнэ жинхэнэ утгаараа орлогод нийцсэн, ипотекийн зээлд хамрагдаад авах боломжтой байр хэмээн иргэд үзэж, талархан хүлээн авч дэмжиж байлаа. Гэтэл М.Мөнхбаяр даргатай худалдан борлуулах Ажлын хэсгийнхэн эхний ээлжинд ашиглалтад орсон 104 байрны 77-г нь 100 хувь худалдан борлуулах тухай шийдвэр гаргаж, түүнийгээ танилцуулсан. Ингэхдээ худалдан авахыг хүссэн иргэдийн хувьд хүсэлтээ “Smart Erdenet” апп-аар  гаргах гэнэ. Энэхүү апп нь долоодугаар сарын 24-ний өглөөний 09.00 цагаас 26-ны өглөөнйи 09.00 цаг хүртэл нээлттэй байх аж. Тиймээс 100 хувь худалдан авах боломжтой иргэд хүсэлтээ цахимаар гаргах юм байна.