Аймгийн Хүнс, хөдөө аж ахуйн газраас цаг үеийн ажлын талаар тодорхой мэдээлэл өглөө. Тус газраас ажлын хэсэг гарч махны үнийн өсөлтийн талаар судалгаа хийжээ. Зургаадугаар сарын 13-ны өглөө эрт “Таван-Эрдэнэ” мал нядалгааны захад очин үнийн судалгаа хийжээ. Энд үхрийн мах кг нь10 мянгаас 14 мянган төгрөгийн хооронд чанараасаа хамаарч хэлбэлзэж байна. Хонины мах 1 кг нь 10-12 мянган төгрөг, ямааны мах 6-8 мянган төгрөг, адууны мах 5-6 мянган төгрөгийн ханштай байжээ.
Харин махны жижиглэнгийн худалдаа эрхэлдэг “Хүлэг” захаас судалгаа хийхэд Үхрийн мах кг нь 17.5 мянгаас 19 мянган төгрөг
Хонины мах 15-17 мянга
Ямааны мах 12-мянгаас 12.5 мянга
Адууны мах 12-13 мянган төгрөгийн ханштай байсан аж.
Энэхүү судалгаанаас харвал бөөний болон жижиглэнгийн үнийн хооронд 3.5-аас 5 мянган төгрөгийн зөрүү байна. Махны үнийн өсөлт, бөөний болон жижиглэнгийн худалдааны үнийн зөрүүний тал дээр шударга өрсөлдөөн, хэрэглэгчийн төлөө газар ажиллах шаардлагтай болсныг ХХАА-н газрынхан дуулгалаа.
