Аймгийн Засаг даргын шуурхайд Хот байгуулалт, барилга захиалагчийн албаны  Ерөнхий инженер Ц.Хишигжаргал цаг үеийн ажлын явцын талаар мэдээлэл хийлээ. Одоогийн байдлаар тус байгууллагаас гэрээ байгуулж, хяналт тавьж байгаа 133 ажил байгаа гэнэ.

Тухайлбал, Инженерийн шугам сүлжээний 12 ажил, Гэрэлтүүлэг цахилгааны 12 ажил, Барилга шинээр барих 6 ажил, Авто замын засвар-зогсоол шинээр барих 32 ажил энэ жил хийгдэнэ. Мөн Амралт чөлөөт цагийн талбай, орчны тохижилтын 19 ажил, Жишиг гудамжны тохижилтын 9 ажил, Барилгын засвар болон бусад 33 ажил энэ оны хувьд хийгдэж юм байна.  Дээрх ажлуудад нийтдээ 73 тэрбум төгрөг  төсөвлөсөн байна.