Энэ үгийг аргаа барахдаа Хотын захирагчийн албаны дарга маань Баян-Өндөр сумын удирдлага болон иргэдэд хандаж уриалж байхав.

Эрдэнэтийн Дулааны цахилгаан станцаас  96 градустай халуун ус өгч байна. Гэтэл Эрдэнэт усын дамжуулах төв дээр 94-95 градус болж ирж байна. Цааш нь айл өрхүүдэд түгээхэд Эрдэнэт усын ялтсан бойлуураар 57 градусын халуунтай  л гарч байна. Ийм байхад үнэнээ хэлэхгүй, худлаа ярьдаг байдал Эрдэнэт усад газар авчээ. Байгууллагын удирдлагууд нь бодит байдлыг нууж зарим үед болж байна, сайхан байна, манай байгууллагаас ямар ч хамааралгүй гээд нэг телевизийн Лайв хийж иргэдийн төөрөгдүүлж байна. Иргэдэд мэдээллийг тэнцвэртэй хүргэхгйү байна. Тиймээс Эрдэнэт ус ялтсан бойлуурныхаа гаралт,  даралтын зөрүүг яаж гаргах талаас нь анхаарч ажилла. Энэ долоо хоногт Эрдэнэт ус, ЭБЦТС хамтарч ажилла. Нөгөө талаар тухайн айлд 65 градустай халуун ус очиж байна. 65 градус очиж байхад тухайн айлын тасалгааны температур 19-20 байна. Цонх нь -1 градус зааж байна. Тэгэхээр айл өрхүүд дулаан алдагдлаа бууруулах, цонхоо дулаалахад анхаарах хэрэгтэй байна. Баян-Өндөр сум энэ долоо хоногоос Цонхоо дулаалъя аяныг зохион байгуулж айл өрхүүд өөрөөсөө хамааралтай ажлуудаа хиймээр байна. Төрийн байгууллагын зүгээс  дулаан хангамжаа сайжруулах, эрчимжүүлэх, ажлаа сайжруулахаар ажиллая. Харин иргэд  дулааныг зөв зохистой ашиглахад анхаарч өөрөөсөө хамааралтай зүйлүүдийг хийж уялдаагаа хангахгүй бол хэзээ ч дулаан хангамжийн талаарх асуудалд шийдэл гарахгүй шүү хэмээн Хотын захирагчийн албаны дарга С.Ганцогт анхааруулав.