“Сургуулийн эргүүл” хөтөлбөр орон нутагт хэрэгжиж эхлээд багагүй хугацаа өнгөрчээ. Нуруун дээрээ “School police” гэсэн бичигтэй, гартаа “GO” “NO” гэсэн бичиг барьсан хүмүүс явган хүний гарцан дээр зогсдог. Тэднийг монголоор “Сургуулийн цагдаа”, явган зорчигч, хүүхдийг зам хөндлөн гарахад тусалдаг хүмүүс гэ ойлгож, ирсээр уджээ. Гэвч “School police”  хөтөлбөрийн хэрэгжилт хангалтгүй гэж үзэн, түүнд  нэмэлт өөрчлөлт оруулахаар болжээ. Тухайлбал, эцэг эх асран хамгаалагч, цаг нөхцөөх байдлаар зам дээр зогсох биш, гарцаар зорчих гэж буй сурагчдад туслаж гаргах, үүрэг хүлээнэ Түүнээс гадна  насанд хүрээгүй хүүхэд архи, тамхи хэрэглэх, зодоо хийх, нэг нэгнийгээ дээрэлхэх зэрэг сургууль орчмын бүсэд  гарч болзошгүй гэмт хэргээс урьдчилан сэргийлж, эргүүл хяналт хийх үүргийг “School police”-д ажиллаж буй эцэг эх хүлээх болжээ. Иргэдийн хайхрамжгүй, үл тоосон байдлаас үүдэн Орхон аймгийн хэмжээнд 2022 он гарснаар зам тээврийн осолд 16 хүүхэд өртсөн байна. Хохирогч хүүхдүүдийн дийлэнх нь сургууль орчмын замын явган хүний гарцан дээр  зам тээврийн осолд өртжээ.

 “School police” хөтөлбөрийн хүрээнд 1ээлжинд 2 эцэг эх гардаг байсан бол нэмэлт өөрчлөлт оруулснаар 4 эцэг эх гаргах юм. Ингэснээр тэд хэв журмыг сахих, хянах чиглэлээр хоёр эцэг эх томилогдож, хоёр эцэг эх, асран хамгаалагч нь зам дээр зогсож үүрэг гүйцэтгэх юм. Мөн бусдыгаа манлайлан оролцож байгаа эцэг эхчүүдийг урамшуулах, зэрэг нийгмийн идэвхитэй байдлыг хамруулж ажиллахаар Хөтөлбөрт өөрчлөлт оруулахаар болжээ.