Саяхан хуралдсан аймгийн Засаг даргын зөвлөлийн хурлаар Шилэн дансны тухай хуулийг хэрэгжүүлэх талаар зохион байгуулж буй ажил, хэрэгжилтийн талаар Санхүүгийн хяналт, дотоод аудитын алба /СХДАА/-ны дарга мэдээлэл Д.Сайзмаа хийсэн юм. Д.Сайзмаа даргын мэдээллээс харвал манай аймгийн Шилэн дансны хуулийн хэрэгжилт сайн тэр дундаа сүүлийн 3 жилийн байдлаар тус хуулийн хэрэгжилт өммөн дүнтэй гарч байгаа ажээ.  
    Санхүүгийн хяналт дотоод аудитын алба нь аймгийн Засаг даргын төсвийн багцад хамаарах 84 байгууллагад улирал бүр шилэн дансны хуулийн хэрэгжилтэд дотоод аудит хийж ажилладаг. 
     СХДАА-ны мэдээллээс ажихад Хуулийн хэрэгжилт аймгийн нэгдсэн дүнгээр өнгөрөгч оны дөрөвдүгээр улиралд 94.4 хувь, энэ оны нэгдүгээр улиралд 92.2 хувьтай гарчээ. Харин хоёрдугаар улирлын дүнгээс харвал үзүүлэлт өмч  95 хувьд хүрчээ. Үүнийг өмнөх оны мөн үеүүдтэй харьцуулахад сайжирсан үзүүлэлт гэнэ.  Аймгийн хэмжээнд сүүлийн 3 жилийн байдлаар Шилэн дансны хуулийн хэрэгжилт  2,2 хувиар өссөн дүнтэй гарч байгаа аж.

     СХДАА  нь байгууллагууд цаг хугацаандаа, хуулийн хүрээнд мэдээллээ байршуулж байгаа эсэх, мэдээлэл оруулахдаа иж бүрнээр нь оруулж байгаа эсэхэд хяналтыг тавьдаг. Ингэхдээ 3-аас дээш улирал 70 хувиас доош хэрэгжилттэй байгаа зарим байгууллагад зөвлөн туслах үйлчилгээг үзүүлж, хэрэгжилтийг сайжруулах тал дээр хамтран ажилладаг юм байна. Төрийн болон төрийн өмчийн аж ахуйн нэгжүүд сар, улирал бүр Шилэн дансны хуулийн дагуу мэдээллээ оруулахдаа хугацаа хожимдуулдаг, дутуу оруулдаг зэрэг багагүй зөрчил гаргадаг. Энэхүү зөрчил нь нэгтгэгдэн гарахад аймгийн хэмжээний үзүүлэлтэд тодорхой хэмжээнд сөргөөр нөлөөлдөг байна. Зарим байгууллага мэдээллээ хагас дутуу байршуулсанаас болж харгалзах үзүүлэлт нь 70 хувиас доош унадаг учраас аймгийн хэмжээний дүнд нөлөө үзүүлдэг. Ийм байдлыг газар дээр нь засч залруулах, зөвлөгөө өгөх, дагалдуулж сургах тал дээр тус байгааллага ажиллаж байгаа ч зарим хүндрэл бэрхшээл үүсдэг. Тухайлбал, Шилэн дансны хуулийн хүрээнд мэдээлэл байршуулах ажилтан жирэмсний чөлөө авах, өвчтэй, чөлөөтэй байх хойгуур дараагийн хүн мэдээлэл оруулах, байршуулахдаа алдаа гаргадаг үзэгдэл манай йамагт түгээмэл тохиолддог. Байгууллагын удирдлагын зүгээс энэ тал дээр анхаарч ажиллахгйү бол аймгийн хэмжээний дүн мэдээнд ч нөлөө үзүүлж болох талтайг мэргэжлийн байгууллагынхан анхааруулав.   

ООЛОН УЛСЫН АУДИТОРУУД