Орхон аймаг Эрдэнэт хотын энэ жилийн хүнс, хөдөө аж ахуйн өвөлжилтийн бэлтгэл ажлын төлөвлөгөөнд мал аж ахуйн чиглэлээр 13, газар тариалангийн чиглэлээр 14, хүнсний чиглэлээр 1, мал эмнэлгийн чиглэлээр 4 арга хэмжээг хэрэгжүүлэхээр тусгагджээ. 
       Өнөөдрийн /08.10/ байдлаар 6 арга хэмжээ 30.0 хувь, 16 арга хэмжээ 70.0 хувь, 4 арга хэмжээ 90.0 хувь, 1 арга хэмжээ 100.0 хувьтай нийт төлөвлөгөөний явцын хэрэгжилт 65.2 хувьтай  байна. 
Хөдөө аж ахуйн бэлтгэл ажлын онцлох ажлуудаас... 
1.    Энэ намар малчдын түвшинд 9500 тн байгалийн хадлан бэлтгэнэ. Байгалийн хадланг малчдын түвшинд бэлтгэх төлөвлөгөөг сум, баг, өрхийн малын тоо толгойтой харьцуулан гаргаж, хадланг 08 дугаар сарын 20-ноос эхлэн бэлтгэх үүрэг, чиглэл өгч ажиллаж байгаа. 
2.    Аймгийн аюулгүйн нөөцөд 30 тн өвс, 25 тн тэжээл, Баян-Өндөр сумын аюулгүйн нөөцөд 80 тн өвс, 30 тн тэжээл, Жаргалант сумын аюулгүйн нөөцөд 80 тн өвс, 30 тн тэжээл бэлтгэх ажээ. 
3.    Аймгийн хэмжээнд хаврын тариалалтыг 13 аж ахуйн нэгж, 595 өрх хийж гүйцэтгэсэн. Иргэдийг шинэ ургацын төмс, хүнсний ногоогоор хангах, тариаланчдын борлуулалтыг дэмжих хүрээнд Баян-Өндөр сумын Засаг даргын захирамжаар 2022 оны 08 дугаар сарын 1 ний өдрөөс 2022 оны 10 дугаар сарын 1 ний өдрийг хүртэл хугацаанд сумын хэмжээнд байруудын гадна автомашины зогсоолуудад машин дээрээс худалдаа эрхлэх боломжийг бүрдүүлэн ажиллаад байна.
4.    “Өрхийн тариалалтыг дэмжих хөтөлбөр”-ийн хүрээнд төмс, хүнсний ногооны үйлдвэрлэл эрхлэгчдийг дэмжих зорилгоор орон нутгийн төсвөөс нийт 28,43 сая төгрөгийн санхүүжилийг шийдвэрлүүлсэн. Үүнд 10 тонн төмсний үр, 1000 кг сонгинын үр, 3000 ширхэг өргөст хэмхийн үрслэгийг 2 сумын 500 өрхөд хуваарилан өгч ажиллалаа. 
5.    Мал эмнэлгийн төлөвлөгөөт арга хэмжээг хэрэгжүүлэх аймгийн Засаг даргын 2022 оны А/178 дугаар захирамжийн 2 дугаар хавсралтаар аймгийн хэмжээнд нийт 112.2 мянган толгой мал, амьтныг архаг халдварт өвчнөөс урьдчилан сэргийлэх 11 төрлийн вакцин тарилгад хамруулахаас 88.1 мянган мал амьтныг хамруулж  гүйцэтгэл  78.5  хувьтай  хэрэгжиж байна.
6.    Бэлчээрийн усан хангамжийг сайжруулах зорилгоор улсын төсвийн хөрөнгө оруулалтаар  Жаргалант сумын Дулаан-Уул багийн  Жаргалант, Хөндлөн намагт шинээр 2 худаг гаргана. Ингэснээр 26 өрхийн 5420 толгой мал усаар хангагдах боломж бүрдэнэ.
7.    2023 оны аймгийн хүн амын хаврын махны хэрэгцээнд 300 тн малын мах бэлтгэх тооцооллыг хийн, төлөвлөн ажиллаж байна. 
8.    Баян-Өндөр, Жаргалант сумдын нийт 171 мал, амьтны сэг, зэмийг устгаж, төлөвлөгөөт халдваргүйтгэлийн түүхий эд бүтээгдэхүүн хадгалах цэг 8000 мкв, малын хашаа хороо мал, амьтны тоног хэрэгсэл 31300 мкв, худаг уст цэгийн 450 мкв, устгалын цэг 800 мкв, бэлчээрийн 3520 мкв, нийт эзэмшлийн 405 мкв нийт 44475 мкв талбайд ариутгал, халдваргүйтгэлийг  хийж гүйцэтгэсэн.