Аймгийн Засаг дарга С.Батжаргал албан ажлаар БН Солонгос улсад энэ 7 хоногт ажиллаж байна. Мөн Засаг даргын орлогч М.Түмэнжаргал ОХУ-ын Улаан Үүд хотноо томилолтой яваа. Нөгөө нэг орлогч болох А.Түвшинжаргалын хувьд  дотоодын болон арын ажлаа даагаад “Хангинахын шугуйн шагайн тойром” арга хэмжээг зохион байгуулахаар ажиллаж байна. Орхон Булган аймгийн Хамтын ажиллагааны хүрээнд хамтарч дотоодын аялал жуулчлалыг хөгжүүлэх зорилготой хийгдэх “Хангинахын шугуйн шагайн тойром” амралтын өдрүүдээр Булган аймгийн Хутаг-Өндөр сумын Хантай багийн нутагт болно. Орхон аймгийн Байгаль орчин, аялал жуулчлалын газар, Тогооч нарын холбоо, шагайн харваачид, үндэсний бөхчүүд өнөөдрөөс Хангинахын шугуйг зорьжээ. Орхон Булган аймгийн хувьд 2024 он хүртэл хамтраад 71 арга хэмжээг зохион байгуулахаар төлөвлөсөн аж. Түүний нэг нь энэ удаагийн шагайн наадаан ажээ.

Манай аймгийн хувьд сүүлийн үед гадаад харилцаагаа эрчимжүүлэх, олон улсын байгууллагтай хамтран орон нутагтаа төсөл хөтөлбөр хэрэгжүүлэхээр эрчимтэй ажиллаж байгаа. Ганцхан жишээ татахад л , Европын сэргээн босголт, хөгжлийн банктай хамтран

*** Эрдэнэт хотын орлогод нийцсэн ногоон орон сууц төслийг 32.5 сая хүртэлх ам.доллараар санхүүжүүлнэ

*** Эрдэнэт хотын орон сууцны барилгуудын дулаан алдагдлыг бууруулах 13.6 сая хүртэлх ам долларын санхүүжилттэй

*** Эрдэнэт хотын дулааны шугам сүлжээг шинэчлэх, өргөтгөх 8.2 сая хүртэлх ам.долларын төслүүдийг хэрэгжүүлэхээр ажиллаж байгаа.

Төсөл хөтөлбөрийн судалгаа, шинжилгээний эхний ажлууд аль хэдийнэ эхэлсэн бол зарим нь бичиг цаасны шатандаа яваа ажээ.  

Мөн өнөөдрөөс эхлэн “Илүү их уншъя” уриатай 31 дэх удаагийн Номын баяр энэ өдрүүдэд Орхон аймагт болж байна.