Улсын болон өөрийн орлогоос төсвөө бүрдүүлдэг Орхон, Сэлэнгэ, нийслэл Улаанбаатар хотын ЗДТГ нь дэргэдээ өөрийн гэсэн тусгай зориулалтын сантай байдаг ажээ. Монгол улсын Засаг захиргаа, нутаг дэвсгэрийн нэгж түүний удирдлагын тухай хуульд өөрчлөлт орж 2022 оны нэгдүгээр сарын 1-нээс мөрдөж эхэлсэн. Энэ хуульд орсон өөрчлөлтийн хүрээнд аймаг, орон нутаг дэргэдээ тусгай сантай байхыг албан ёсоор зөвшөөрсөн байна. Манай аймгийн хувьд “Эрдэнэт сан”-гийн журмыг шинэчлэн боловсруулж аймгийн ИТХ-ын Зөвлөлийн хуралд танилцуулав. Танилцуулгын аймгийн ЗДТГ-ын Хууль, эрх зүйн хэлтсийн дарга М.Мөнхбаяр хийлээ.

Аймгийн ИТХ-ын Тэргүүлэгчдийн 2014 оны 5 дугаар тогтоолоор “Эрдэнэт сан”-г байгуулж, дүрмийг нь баталсан байна. Ингээд хоёр дахь удаагаа хуульв орсон нэмэлт өөрчлөлтийн хүрээнд “Эрдэнэт сан”-гийн журмын нарийвчлан боловсруулж хэлэлцүүлэв. Аймгийн ИТХ-ын дарга Д.Мөнхбатын саналын дагуу “Эрдэнэт сан”-гийн журмыг аймгийн ИТХ-ын хороодоор хэлэлцүүлэхээр тогтлоо.