“Эрдэнэт үйлдвэр” ТӨҮГ-ын мэдэлд байдаг, өнөөдрийн технологид таардаггүй, бидний нэрлэдгээр блансын бус, ядуу агуулгатай овоолгыг нийтэд ил тод, эрдэнэтчүүдэд хүртээмжтэй байдлаар ашиглах тухай тогтоолын төслийг УИХ-ын гишүүн Н.Алтанхуяг Парламентын спикер Г.Занданшатарт өргөн барьжээ. 2020 оны УИХ-ын сонгуулиар Н.Алтанхуяг гишүүн “34:33:33” буюу ядуу овоолгыг ашиглан хэн нэгэн этгээд катодын зэс хайлуулах үйлдвэр байгуулбал түүний 34 хувийг өмчийн эзэн Эрдэнэт үйлдвэр эзэмшинэ, 33 хувийг хөрөнгө оруулагч тал 7 жилийн хугацаанд ашиглаж эзэмших, үлдсэн 33 хувийг Эрдэнэтийн иргэд эзэмших тухай бидний чихнээ наалдацтай, хэрэгжихэд хамгийн боломжтой саналыг Эрдэнэтийнхэнд нах танилцуулсан. Бүр цаашилбал, хөрөнгө оруулагч тал 7 жилийн дотор ашгаа аваад түүний дараа өөрийн 33 хувиа Эрдэнэт хотод өгөх тухай нарийвчлан тайлбарлаж байсан нь саяхан мэт. Эрдэнэтийн иргэд овоолго дагаж боссон цэвэр зэс боловсруулах үйлдвэрээс хүртэх 33 хувиа бэлэн мөнгөөр авахгүй. Орон сууцны зээл, хүүхдийнхээ сургалтын төлбөр, даатгалын хураамж болон эрүүл мэндийн үйлчилгээний төлбөрт шилжүүлэх боломжтой гэнэ. Харин Эрдэнэт хот 33 хувиараа гэр хорооллын нүхэн жорлонгоос салахаас эхлэн зам тавих, дэд бүтцээ гэр хороололд татах зэрэг олон асуудлыг шийдэх боломж бүрдэх юм.

Ямар ч байсан УИХ-ын дарга Г.Занданшатар тогтоолын төсөл өргөн барих цаг өгөхгүй луу унжиж байснаа цаг наашилж, цас хайлж байгааг анзаарсан уу 20 гаруй хоногийн дараа Н.Алтанхуяг гишүүний санаачилсан тогтоолын төслийг хүлээн авчээ.