“Дахин төлөвлөн барилгажуулах, дэд бүтэцжүүлэх төслүүд 2022” улсын анхдугаар зөвлөгөөн болж байна. Зөвлөгөөнд тавигдсан зарим сонирхолтой баримтуудыг хүргэж байна.

Өнөөдрийн байдлаар Эрдэнэт хотын хатуу хучилттай авто замын нийт урт нь 93.4 км байна. Үүнээс хотын гол авто замын урт нь 54 км аж. Харин хорооллын дундах туслах замын урт нь 14.4 км. 2021 онд 13 байршилд 23.2 км замын ажлын зургийг хийжээ. Харин 2022 онд 2 байршилд авто замын уулзвар, 3 байршилд хатуу хучилттай авто зам хийхээр орон нутгийн төсөвт тусган, худалдан авах ажиллагааг зарлажээ.

Үүнд, “Танил” зах орчмын авто замын сүлжээг холбох 2.29 км хатуу хучилттай зам барина. Мөн XI хороолын Г хэсгийн 0.31 кам замыг “Уурхайчин” хорооллын авто замтай холбох хатуу хучилттай зам. Оюут баг “Ачит” худалдааны төвөөс 2-40А байрны урдуур А1001 авто замтай холбох хатуу хучилттай зам. Захиргааны IV байрны зүүн талын авто замын уулзварыг өргөтгөнө. Мөн Эрх чөлөөний өргөн чөлөөний 0.4 км авто замын уулзварыг өргөтгөх юм байна.