“Ногоон Эрдэнэт” зөвлөгөөний хүрээнд аймгийн Засаг дарга С.Батжаргал 2030 он хүртэл аймгийн хэмжээнд 20 сая мод тарьж ургуулах ажлыг мэргэжлийн байгууллага, хувийн хэвшлийнхэн, иргэдтэй хамтарч зохион байгуулна хэмээн мэдэгдсэн.

Энэ  ажлын дагуу зөвлөгөөний үеэр аймгийн Засаг дарга С.Батжаргал МУИС-ийн салбар сургуулийн захирлын үүргийг түр орлон гүйцэтгэгч доктор, н.Очирхуягтай Хамтран ажиллах санамж бичиг байгуулав. Мөн “Эрдэнэт үйлдвэр” ХХК 10 сая мод, “Эрдмин” ХХК 2 сая мод, “Зэс эрдэнэийн хувь” компани 1.5 сая мод тарьж ургуулахаар гэрээ байгууллаа.

Дээрх компаниуд нийгмийн хариуцлагынхаа хүрээнд ийнхүү “Ногоон Эрдэнэт”-ийн төлөө, нэг тэрбумаар тоологдох мод тарьж ургуулах үндэсний хөдөлгөөнд нэгдэж байгаа юм.