Аймгийн Эрүүл мэндийн газраас Хэвлэлийн бага хурал хийж цаг үеийн асуудлаар мэдээлэл хийсэн юм. Мөн Коронавируст халдварын үеийн эмнэлгийн тусламж үйлчилгээний өнөөгийн байдал, цаашид авч хэрэгжүүлэх арга хэмжээ сэдвээр ЭМГ-ын мэргэжилтэн Б.Уртнасан, Коронавируст халдварын тархалтын үе шатууд, авч хэрэгжүүлсэн арга хэмжээ, эмнэлгийн ажилчдын халдварт өртсөн байдал эмнэлгийн тусламж үйлчилгээнд нөлөөлөх нь сэдвээр мэргэжилтэн Б.Билгүүнээ, Анхан шатны эрүүл мэндийн байгууллагуудын ковидын үеийн гэрийн тусламж үйлчилгээ, тулгамдсан асуудлууд сэдвээр “Үйлс бадрах” ӨЭМТ-ийн дарга С.Мандах, БОЭТ-ийн ковидын үеийн гэрийн тусламж үйлчилгээ, тулгамдсан асуудлууд сэдвээр БОЭТ-ийн захирал Ц.Наран-Эрдэнэ, Коронавируст халдварын эрсдэлээс хамтдаа сэргийлэх арга замууд сэдвээр мэргэжилтэн А.Баярхүү, Коронавируст халдварын дархлал сэргээх, нэмэлт тунгийн ач холбогдол сэдвээр мэргэжилтэн П.Отгонбилэг, Коронавируст халдварын 3 дахь давалгааны онцлог,цаашид авч хэрэгжүүлэх арга хэмжээний чиглэл сэдвээр ЭМГ-ын зөвлөх Л.Уранчимэг нар  мэдээлэл өгөв.

Энэ үеэр аймгийн ЭМГ-ын дарга Д.Сүхээ “Нийтээрээ улаан бүс болсон учраас энэ цаг үед хөл хорио тогтоох нь үр дүнгүй. Бид аймгийн Онцгой комисст ийм санал хүргүүлэхгүй” хэмээлээ.