Маргаашнаас сурагчдын хоёрдугаар улирлын амралт эхэлнэ
ЕБС-ийн сурагчдын хоёрдугаар улирлын амралт гуравдугаар сарын 29-нөөс дөрөвдүгээр сарын 5-ны хооронд болох байсныг Яамны сайдын тушаалаар цуцлаад байсан.
Нэг их удалгүй мөн л Яамны сайдын тушаалаар Сонголттойгоор хичээллэх шийдвэр гаргаад байсан. Өнөөдрийг хүртэлх хугацаанд “Covid-19” цар тахлын дэгдэлт газар авч 10 гаруй аймагт тархаад байгаа зэрэг шалтгаанаар Боловсрол шинжлэх ухааны сайдын тушаал шийдвэр дахин гарч хоёрдугаар улирлын амралтыг даваа гарагаас буюу гуравдугаар сарын 29-нөөс эхлүүлэхээр болжээ.
Сурагчдын амралтын хугацаанд сургуулийн анги танхимд ариутгал, халдваргүйтгэл хийх гэнэ. Төсөв мөнгийг нь ч баталж аймаг, сумын сургуулиудад ариутгалын бодис хүргүүлж байгаа ажээ.