Нутгийн удирдлагын ордны өмнө иргэдэд тун хэрэгтэй, нэгэн мэдээллийн самбар ажилладаг байлаа.
Адаглаад л хотын цаг агаарын төлөв гардаг байсан даа. Буруу заагаад байхар нь буулгаад хаячихсан юм уу, хавар болоод утаа буурлаа гээд түлхээд унагаасан юм уу ямар ч байсан тэрхүү мэдээллийн самбар иргэдэд үгүйлэгдэж байна.
Утаа тортог багассан байж болно түүний дараа чинь хаврын улиралд тоос шороо босно. Агаар дахь тоосонцорын хэмжээг ч тэрхүү самбар мэдээлдэг байсан. Эвдэрсэн үү яасан, аль эсвэл хугацаа нь дуусаад хог дээр хаягдсан уу ямар ч байсан дээрх самбар байхгүй болоод багагүй хугацаа өнгөрлөө. Зарим нэг иргэнээс өөр үгүйлж, нүдээрээ хайж байгаа дарга, даамал л лав манай аймагт алга.
Урин цаг ирж утаа нутаг буцаж байгаа ч шороо тоос дэгдэх нь дамжиггүй. Түүнийг хэмжиж, хэрэгтэй мэдээллийг нь иргэдэд өгдөг энэ самбар дарга нарт биш юм аа гэхэд иргэдэд хэрэгтэй л байна. Тэгээд ч төр иргэнийхээ өмнө хүлээсэн үүрэгтэй. Энэ самбар хэзээ ашиглалтад орохыг “бурхан л мэднэ” гээд хүлээгээд л суух уу.
