Аймгийн Засаг дарга С.Батжаргал Онцгой комиссын хурал дараахь мэдээллийг хийлээ.
-Дархан хотод 0 зогсолтыг 5 хоног хийхдээ, хүнсний дэлгүүр, эмийн санг бүрэн хаасан. Гэтэл манай аймагт 0 зогсолт хийнэ гэж зарласан мөртлөө, хүмүүс гадуур яваад байгаа талаар аймгийн Засаг дарга С.Батжаргал хариуллаа. “0 зогсолт гэдэг нь бүх нийтийн хөл хорихыг хэлж байгаа юм. 11-ны өдөр бид өндөржүүлсэн бэлэн байдал зарласан тухай захирамжаа гаргасан. Захирамж дээр бүх нийтийн бэлэн байдлын үед ажиллах байгууллагуудын жагсаалтыг хавсралтаар гаргасан. Мөн 15-нд Сэлэнгэ, Дархан-Уул аймагт сэжигтэй тохиолдол гарсан учир Орхон аймагт бүх нийтийн хөл хориог хорьсон. Ингэхдээ Засгийн газрын зөвшөөрсөн байгууллагууд ажилласан. Дархан-Уул аймаг ч ялгаагүй ийм зохион байгуулалттай байгаа. Дарханд хүргэлтээр нөөцийн мах гаргаад явж байгаа. Манайх бол гаргаагүй. Бид Дархантай байнга холбоотой ажиллаж байна. Бид бүхэн 17-ны шөнө Дархан-Уул аймгийн иргэн Ө-тэй ойрын хавьтал байна гэсэн мэдээлэл авсан учраас судалгаа, арга хэмжээ авсан. Зохион байгуулалтын хувьд хүндрэл учруулахгүйн тулд цахимд шилжиж байна. Түгээлтээ цахимаар хийгээд явбал хүндрэл бага гарна. Аймгийн хэмжээнд онцгой байдалтай холбоотой зардлаа 300 гаруй сая төгрөгөөр нэмэгдүүлэх тухай ярилцаж байна. Өнөөдөр аймгийн ИТХ-ын тэргүүлэгчид хуралдсан. Маргааш ИТХ цахимаар хуралдаж шийднэ.