Эрхэм хүндэт Орхон аймгийн ард иргэд та бүхэндээ Эрдэнэт хот байгуулагдсаны 40 жил, Тулгар төрийн 2225, Их Монгол Улс байгуулагдсаны 810, Үндэсний эрх чөлөө, Тусгаар Тогтнолоо сэргээн мандуулсаны 105, Ардын хувьсгалын 95 жилийн ой үндэсний их баяр наадмын мэндийг айлтган дэвшүүлье.
Төрийн эрх барих дээд байгууллага Монгол Улсын Их Хурлын VII дахь удаагийн сонгууль болж Монгол Ардын нам болон надад итгэл хүлээлгэн дахин сонгосонд ард иргэд, сонгогч та бүхэндээ дахин баярласан талархсанаа илэрхийлье.
Манай улсын хөгжлийн түүчээ болсон Орхон аймаг энэ онд ажил үйлсээрээ тэргүүлж “УЛСЫН ТЭРГҮҮНИЙ АЙМАГ” болсон билээ. Монголын Улсын Ерөнхийлөгч зарлигаар Орхон аймаг, Эрдэнэт хотыг маань Төрийн дээд одон “Сүхбаатар одон”-гоор шагнагдсан бахдам амжилтаар дүүрэн жил байна.
Эрдэнэт хотыг бүтээн босгосон анхдагч ахмадууд, илгээлтийн эзэд, одоо ажиллаж амьдарч байгаа иргэд та бүхэн дэлгэр зуны Монгол наадмаа дэнж хотойтол САЙХАН НААДААРАЙ.
УЛСЫН ИХ ХУРЛЫН ГИШҮҮН О.СОДБИЛЭГ
