Аймгийн Засаг даргын шуурхай зөвлөгөөн дээр Говил багийн зам засварын ажил хийгдэж дууссан талаарх мэдээллийг холбогдох албаныхан өглөө. Улсын төсвийн хөрөнгө оруулалтаар Говил багийн 4.17 км хатуу хучилттай автозамын өргөтгөл, шинэчлэлтийн ажилд Хотын захирагчийн алба, Газрын харилцаа, барилга, хот байгуулалтын алба, Хот байгуулалт, барилга захиалагчийн албаны инженерүүд тогтмол хяналт тавьж ажилласны дүнд хамгийн сүүлд асфальтан хучилтын ажил хийснээр Говилын замын ажил дуусгавар болсон байна. Одоо тус замын гэрэлтүүлэг, явган хүний замын ажлууд төлөвлөгөөт хуваарийн дагуу явж байгааг албаныхан мэдээллээ.