МЭНДЧИЛГЭЭ НҮБ-ын Ерөнхий Ассамблей 1992 оноос эхэлж жил бүрийн 10-р сарын 01-ний өдрийг олон улсын ахмадын баяр болгон тэмдэглэхийг дэлхий даяар албан ёсоор тунхагласаны дагуу манай улс энэхүү баярыг  тэмдэглэсээр ирсэн билээ. Орхон аймаг бол ахмад настан та бүхний залуу халуун нас, чин сэтгэлийн дуудлага, хийж бүтээхийн оргилуун хүсэл тэмүүлэлийн биелэл болон үүсэн байгуулагдсанаараа үнэхээр онцгой билээ. Бид өнөөдөр ахмад настнуудад чиглэсэн нийгмийн халамжын олон үйл ажиллагааг явуулж байна. Орхон аймагт ахмадын нэртэй хэд хэдэн газар үүд хаалгаа нээлээ. Тухайлбал ахмадын ордон, ахмадын сувилал, ахмадын амралт зэргийг дурьдаж болох юм. Мөн өнгөрсөн хугацаанд Орон сууцны хөлс төлөх, түлш худалдан авахад нь дэмжлэг үзүүлэх зорилгоор 781 ахмад настан,  хүндэт донор 83 ахмад настан, хөдөлмөрийн чадвараа бүрэн алдсан, хөгжлийн бэрхшээлтэй, байнгын асаргаа шаардлагатай 1777 иргэнийг хамруулж, нийт 2641  иргэнд  мөнгөн тусламж олголоо.    Ахмадын ордон” –ны барилга ашиглалтанд ороход бэлэн болж,   10-р сарын 1 –ний өдөр нээлтээ хийсэн нь баяр дээр баяр нэмлээ. Мөн Ахмадын амралтыг “Ахмадын сувилал” болгон үйл ажиллагааг нь өргөтгөсөн байна.  Ахмадын сувилалд  уламжлалт сэргээн засах эмчилгээний  их эмч, сувилагчийг орон тоогоор авч ажиллуулж, тэдний цалин, урамшуулал,  чийрэгжүүлэлтийн техник хэрэгсэл, тоног төхөөрөмж худалдан авах хөрөнгийг  орон нутгийн төсвийн хөрөнгө оруулалтаар шийдвэрлэсэн. “Ахмадын сувилал”-д хагас жилийн  байдлаар  6  ээлжинд  176 амрагчийг хүлээн авсан байна.  Төсөвт байгууллагуудад ахмадын сан байгуулах эрх зүйн зохицуулалт бүрдсэний дагуу нийт 34 төсвийн байгууллага ахмадын сан байгуулж данс нээлгэсэн байна. 70 ба түүнээс дээш насны 2500 ахмадад  бэлэг дурсгалын зүйлс, 93 ба түүнээс дээш насны 17 ахмадад Монгол Улсын Ерөнхийлөгчийн мэндчилгээ, гарын бэлэг, 55-69 насны 2 сумын 3340 ахмад настанд нийгмийн халамжийн сангаас хөрөнгийг шийдвэрлэж, хүндэтгэл үзүүлсэн юм. Мөн  нийгмийн халамжийн сангийн зардлаар ахмад настан 203 иргэн сэргээн засах үйлчилгээ авсан байна.  Зөвхөн 2015 онд л гэхэд албан байгууллага нь татан буугдсан харъяалалгүй анхдагч, ахмадуудад орон нутгийн төсвөөс 89.0 сая төгрөгийн дэмжлэгийг үзүүлсэн байна. Хэдий эдийн засаг хүндрэлтэй байгаа ч бид өнгөрөгч 9-р сард 85 өрхөд гэр олголоо. Энэ ажлын хүрээнд манай өндөр настан, олон хүүхэдтэй ахмадууд хамрагдсан нь төр захиргааны удирдлага ахмад настангуудынхаа төлөө хийсэн бас нэгэн сайхан ажил болсон юм. Ингээд Орхон аймгийн нийт ахмадууддаа Олон улсын Ахмадын баярын мэндийг хүргэж урт насалж, удаан жаргахыг хүсэн ерөөе.