Аймгийн ИТХ-ын Тэргүүлэгчдийн хуралдаанаас аймгийн ИТХ-ын ээлжит 25 дугаар хуралдааныг есдүгээр сарын 30-ны өдөр хуралдуулахаар тогтлоо. Энэ удаагийн хуралдаанаар дараахь асуудлыг авч хэлэлцэнэ. Үүнд, аймгийн төвийн сумын оновчтой тогтолцоог бий болгох санал хүргүүлэх тухай, аймгийн хэмжээнд гэмт хэргээс урьдчилан сэргийлэх болон нийгмийн дэг журам, сахилга хариуцлагыг сайжруулах талаар 2013-2017 онд баримтлах бодлогын хэрэгжилтийн явцын тухай хэлэлцэнэ. Мөн залуучуудын хөгжлийн хөтөлбөр, хэрэгжүүлэх арга хэмжээний төлөвлөгөө батлах тухай, барилга угсралтын үйл ажиллагаанд хөдөлмөрийн аюулгүй байдал, эрүүл ахуйн шаардлага хангах асуудлыг зохицуулах нийтлэг журам батлах тухай, орон сууцны VII хорооллын хэсэгчилсэн ерөнхий төлөвлөгөөний тодотгол батлах тухай асуудлыг тус тус авч хэлэлцэх юм байна.
Л.Гэрэл
