Германы иргэний агаарын тээврийн 150 зорчигчтой “Airbus 320” онгоц Альпийн нуруунд осолдсон харамсалтай хэрэг гарсан бөгөөд ослын гол буруутанг тус онгоцны хоёрдугаар нисгэгч Андрес Любици гэж таамаглаад байгаа юм. Учир нь ослын газраас олдсон хоёр хар хайрцаг хэргийн гол буруутанг Андрес Любицийг хэмээн баталж байгаа билээ.
Тодруулбал онгоцны хар хайрцгийн бичлэгээс үзэхэд тэрбээр онгоцны ахмадыг ариун цэврийн өрөө явсны дараа нисгэгчийн бүхээгийг түгжиж, улмаар онгоцыг автоматаар доошлуулах товчийг дарсан хэмээн таамаглаж байгаа билээ.
Тэгвэл Андрес Любицтэй холбоотой дахин нэг ноцтой баримт илэрсэн байна. Энэ талаар Германы прокурор мэдээлсэн бөгөөд ингэхдээ “Андрес Любиц онгоцны ахмад Патрикийн кофенд хурдан хугацаанд шээс ялгаруулах үйлчилгээтэй химийн бодис хийсэн байх магадлал өндөр байна” хэмээн мэдээллээ.
Эх сурвалж: new.mn
