АНУ-ын Өмнөд Каролин мужийн Хойд Чарльзтон хотод өнгөрсөн бямба гарагт цагдаагийн албан хаагч Майкл Слагер өнгөт арьстан Уолтер Скотыг найман удаа буудаж амь насыг нь хөнөөсөн хэрэг гарсан билээ.
Хэрэг гарах үед Скотт цагдаагийн цахилгаан бороохойг авч, зугтаасан учир Майкл гал нээсэн хэмээн мэдэгджээ. Тэгвэл Скотт амиа алдсан үеийн дүрс бичлэг олон нийтийн сүлжээгээр тарж, гол буруутан нь цагдаагийн ажилтан болох нь тогтоогдсон юм.
Хэрвээ цагдаагийн ажилтан Скоттын аминд санаатайгаар хүрсэн бол бүх насаараа хоригдох ялаар шийтгүүлж магадгүй аж. Түүний шүүх хурал ирэх сарын 22-нд болно.
Эх сурвалж: new.mn
