Монголын хөл бөмбөгийн холбооны U-23 насны Залуучуудын шигшээ баг 2016 онд Катар улсад болох Азийн аварга шалгаруулах тэмцээний урьдчилсан шатны тоглолтод оролцохоор энэ сарын 22-ны өдөр Лоас улсыг зорино. Энэ сарын 23-30-ны өдрүүдэд зохион байгуулагдах тус тэмцээнд манай улсын шигшээ баг J хэсэгт Хятад, Лаос, Сингапур улсын шигшээ багуудтай тоглохоор учраа таарсан. Залуучуудын шигшээ багийн ахлах дасгалжуулагчаар “Эрчим” клубийн ахлах дасгалжуулагч Д.Батнасан ажиллаж байгаа билээ. Манай баг энэ сарын 27 буюу ирэх долоо хоногийн баасан гаригт эхний тоглолтоо БНХАУ-ын залуучуудын шигшээтэй хийнэ. Эх сурвалж: new.mn