Азийн оюутны аварга шалгаруулах эрэгтэй сагсан бөмбөгийн V тэмцээн Тайваний Тайпей хотод өнөөдөр эхэллээ. Тэмцээний эхний тоглолт 14.00 цагт Монгол-Хятадын багийн хооронд болж, 52:66 –ийн харьцаатай манай тамирчид Хятадын багт хожигдов. Манай улсын шигшээ баг дараагийн тоглолтоо Макао болон Тайванийн шигшээтэй хийнэ. Энэхүү тэмцээнд манай улсаас Монгол Улсын гавьяат багш Д.Гоошоохүү ахлагчтай баг тамирчид оролцож буй. Багийн ахлах дасгалжуулагчаар Ж.Отгондарь, дасгалжуулагчаар Г.Өсөхбаяр, ОУСБХолбооны шүүгчээр Б.Ганзориг нар явжээ. Энэ удаагийн тэмцээнд Монгол улс анх удаагаа өөрийн шүүгчтэй оролцож байгаа ба Азийн оюутны аваргын тоглолтуудыг Олон улсын шүүгч Б.Ганзориг шүүн явуулах юм байна. Азийн оюутны аварга шалгаруулах тэмцээн энэ сарын 8 хүртэл үргэлжилнэ. Эх сурвалж: new.mn