Орхон аймгийн Шүүхийн тамгын газар гэр бүл цуцлуулах өргөдлөө өгсөн иргэдэд сэтгэл зүйн зөвлөгөө өгөх, Эвлэрүүлэн зуучлах ГЭР төслийг хэрэгжүүлж байна. Салах өргөдөл гаргасан 203 хосод сэтгэл зүйн зөвлөгөө өгч, 101 гэр бүл эргэн эвлэрсэн байна. Мөн эмэгтэйчүүдийн хөдөлмөр эрхлэлтийг дэмжих зорилгоор 18 байгууллага “Хүүхдийн өрөө” байгуулжээ. Аймгийн хэмжээнд өнгөрсөн онд Гэмт хэргээс урьдчилан сэргийлэх ажлыг зохицуулах зөвлөл хэрхэн ажилласныг дүгнэсэн хуралдааны төгсгөлд аймгийн ИТХ-ын дарга Д.Мөнхбат уг салбар зөвлөлийн 2025 оны ажлын төлөвлөгөөнд жендэртэй холбоотой олон ажлыг төлөвлөсөн. Тиймээс төрийн болон ТББ-ууд уялдаа холбоотой хамтарч ажиллахыг санууллаа.