Орхон аймгийн Санхүүгийн хяналт дотоод аудитын албанаас “Шинэ данс”-ны тухай хуулийн хэрэгжилтийг сайжруулах зорилгоор ээлжит сургалтыг зохион байгууллаа. Энэхүү сургалтаар 2023 оны 4-р улирал, 2024 оны 1,2,3-р улиралын дүн өөрөөр хэлбэл 2024 онд гүйцэтгэсэн нийт дөрвөн удаагийн дотоод аудитын нэгдсэн дүн мэдээг танилцууллаа. Мөн дотоод аудитаар илэрсэн нийтлэг алдаа зөрчил дутагдлыг танилцуулах зорилгоор Засаг даргын төсвийн багцад хамаарх 84 байгууллагын мэдээлэл оруулагч нарт сургалт хийлээ. Аймгийн ИТХ-ын зөвлөл, аймгийн Засаг даргын зөвлөлөөс өгсөн чиг үүргийн дагуу 2024 оны 2-р хагас жилд гурван удаагийн багц сургалтыг Санхүүгийн хяналт дотоод аудитын албанаас төлөвлөн зохион байгуулж байна. Эхний удаад “Шилэн данс”-ны нэгдсэн системд хоёроос дээш мэдээлэл оруулагчтай найман байгууллагын 35 албан хаагчдад сургалт хийсэн байна. Уг сургалт нь бусад орон нутгийн төсвийн байгууллагууд нягтлан бодогч дангаараа мэдээлэл оруулдаг бол хоёроос дээш мэдээлэл оруулагчтай байгууллагууд хүний нөөцийн мэргэжилтэн, Худалдан авах ажиллагааны ажилтан зэрэг тус бүр мэдээлэл оруулах үүрэг бүхий мэдээллүүдийг бэлтгэн гаргадаг учраас тэдгээр алба хаагчдыг хамруулж сургалтыг зохион байгуулсан. Сургалтыг Баян-Өндөр сумын ЗДТГ, Жаргалант сумын ЗДТГ-тай хамтран хоёр сумын нийт 29 багийн 250 гаруй Иргэдийн нийтийн хурлын төлөөлөгчдийг хамруулан иргэдийн оролцоог нэмэгдүүлэх, хяналтыг сайжруулах, “Шилэн данс”-ны системээс иргэд хэрхэн хялбар байдлаар мэдээлэл авах, төсөвт хэрхэн иргэний оролцоогоо нэмэгдүүлж хяналтыг тавьж ажиллах талаар сургалт зохион байгуулсан. Өнөөдрийн энэ сургалт нь оны сүүлийн сургалт буюу Засаг даргын төсвийн багцад хамаарах 84 байгууллагын мэдээлэл оруулагч нарт хамрагдлаа. Аймгийн хэмжээнд “Шилэн данс”-ны тухай хуулийн хэрэгжилт 2023 оны 4-р улирал байдлаар 98 хувьтай хэрэгжиж байсан. Харин энэ оны 1-р улиралд 97, 2-р улиралд 98 хувьтай, 3-р улирлын байдлаар 97 хувьтай дүгнэгджээ. Аймгийн Санхүүгийн хяналт аудитын албанаас “Шилэн “- хуулийн хэрэгжилтийг энэ онд 99 хувьд хүргэх төлөвлөгөөтай байсан. Үүнтэй холбоотой хуулийн хэрэгжилтийг сайжруулах хүрээнд энэ удаагийн сургалтыг явуулсан байна.