Аймгийн Засаг даргын шуурхай хуралдав. Шуурхайг Засаг даргын орлогч А.Түвшинжаргал удирдав явууллаа. Шуурхайн эхэнд аймгийн Засаг даргын Тамгын газрын даргын тушаалын дагуу хийсэн томилгоог танилцууллаа.

Аймгийн ЗДТГ-ын Хяналт шинжилгээ, үнэлгээний тасгийн дарга Б.Очийн гаргасан хүсэлтийг харгалзан үүрэгт ажлаас нь чөлөөлж аймгийн Хүнс, хөдөө аж ахуйн газарт шилжүүлжээ. Хяналт шинжилгээ, үнэлгээний тасгийн даргын үүргийг түр орлон гүйцэтгэгчээр тус тасгийн ахлах мэргэжилтэн Ж.Баасансүрэнг томилсон байна. Ж.Баасансүрэн нь 2011 оноос өнөөг хүртэл аймгийн ЗДТГ-т тогтоол шийдвэрийн биелэлт хариуцсан мэргэжилтнээр ажиллаж байгаа ажээ.