Хичээлийн жилийн бэлтгэл ажлыг хангах зорилгоор БШУГ-аас төлөвлөгөөт ажлуудыг зохион байгуулж байна. Нэн тэргүүнд бүтээн байгуулалт, засвар шинэчлэлтийн ажлыг яаралтай дуусгах үүргийг орон нутгийн удирдлагууд өгөөд байгаа.  

Манай аймагт өнөөдрийн байдлаар: 
-    Ерөнхий боловсролын 3-р сургуулийн 960 хүүхдийн суудалтай сургуулийн барилга
-    8-р сургуулийн 320 хүүхдийн суудалтай сургуулийн өргөтгөлийн барилга, 
-    16-р сургуулийн спорт заалны барилга
-    Рашаант багийн 250 суудалтай сургуулийн барилга
-    Чандмань багийн 150 ортой хүүхдийн цэцэрлэгийн барилга
-    “Ирээдүйн-Одод” сургуулийн байт харвааны спорт заалны өргөтгөлийн барилга
-    “Уран-Эгшиг” сургуулийн их засвар
-    5-р цэцэрлэгийн гадна фасадны засвар
-    18-р сургуулийн спорт заалны шалны хэсэгчилсэн засвар
-    “Эрх бүжинхэн” цэцэрлэгийн радиатор засварын ажил хийгдэж байгаа бол 
-    Нэг болон 15 дугаар цэцэрлэгийн цонхны засвар
-    21 болон “Унага”, “Бялзуухай” цэцэрлэгүүдийн гадна фасадны засварын ажлууд бүрэн дуусаад байна.  

          Мөн энэ хичээлийн жилд орон нутгийн 2,2 тэрбум төгрөгийн хөрөнгө оруулалтаар 5072 ширхэг ширээ, 10144 ширхэг сандалыг нийлүүлж 17 ерөнхий боловсролын сургуульд хүлээлгэн өгсөн. Яг одоо угсралтын ажил хийгдэж байгаа ажээ.  Ингэснээр аймгийн нийт сурагчдын 92 хувь буюу 22018 сурагч стандартад нийцсэн ширээ сандалтай болж байгаа юм. 

Мэдээллийн төв