Засаг даргын шуурхай хуралдааны үеэр хөрөнгө оруулалтын ажлын явцын талаар Хот Байгуулалт Барилга Захиалагчийн албанаас мэдээлэл өглөө. Энэ онд хийгдэж байгаа бүтээн байгууллатын ажлыг чанартай, хурдан шуурхай  гүйцэтгүүлэхээр камерын хяналт хийж, явуулын лаборатори ажиллуулж байна. 
    Тухайлбал авто зам, замын байгууламжийн барилга засварын ажлын чанар, аюулгүй байдал, ашиглалтын найдвартай нөхцөлийг хангах зорилгоор “Зам сервис” ХХК-ийн явуулын лаборатортай гэрээ байгуулан ажиллаж байгаа юм. Ингэснээр ул хөрс, авто замын далангийн үеүүд болон барилгын буцаан дүүргэлт, асфальтбетон суурь зэрэгт шинжилгээ хийх боломж бүрдсэн байна. 
      Харин Баян-Өндөр сумын Цагаанчулуут багийн 150 хүүхдийн цэцэрлэг, Оюут багийн лаборатори 8-р сургуулийн өргөтгөл, Наран багийн гурав дугаар сургуулийн барилга, авто вокзал зэрэг томоохон бүтээн байгуулалтын ажлуудад камераар хяналт хийж чанартай гүйцэтгүүлэх тал дээр анхаарч байгаа ажээ. 

Мэдээллийн төв