Аймгийн Орон нутгийн өмчийн газраас орон нутгийн өмчит байгууллагуудын 2023 оны ажил, үйлчилгээнд үнэлэлт өгчээ. Мэдээлэл шуурхай удирдлагын төв нь 2023 оны эхний хагас жилийн ажлаар 61.1 хувьтай гэж дүгнүүлсэн байна. Энэ байгууллагыг аймгийн ИТХ-ын Тэргүүлэгчдийн 2019 оны долоодугаар сарын 25-ний өдрийн 74 дүгээр тогтоолоор байгуулжээ. Үйл ажиллагааны үндсэн чиглэл нь,

1. Аймгийн хэмжээний нийт хяналтын камерын нэгдсэн системийг хариуцна.
2. Нийтийн тээврийн хэрэгслийн GPS системийг хянадаг
3. 101, 102, 103, 105 тусгай дугааруудын тээврийн хэрэгслийн GPRS системийн хяналт
4. Мэдээ мэдээллийн боловсруулан төрийн байгууллагын удирдлагыг мэдээллээр хангах зэрэг багтжээ.

Өнөөдрийн байдлаар тус байгууллага нь 10.5 хүний орон тоотой ажилладаг байна. Тайланг дүгнээд цаашид анхаарах зүйлийн талаар аймгийн Орон нутгийн өмчийн газраас зөвлөжээ. Үүнд  Гүйцэтгэлийн төлөвлөгөөний биелэлтийг Засгийн газрын 2020 оны 217 дугаар тогтоол, Засгийн газрын Хэрэг эрхлэх газрын даргын 100 дугаар тушаалын 7 дугаар хавсралтын дагуу байгууллагын гүйцэтгэлийн тайлангийн загвараар тайлагнах, тайлангийн чанарт анхаарах. Мөн Төлөвлөсөн зорилт арга хэмжээний биелэлтийг шалгуур үзүүлэлтийн дагуу товч тодорхой тоо баримттайгаар үр дүнг тайлагнахыг зөвлөсөн байна.