2022-2023 оны хичээлийн жил дуусч Элсэлтийн ерөнхий шалгалт болж өнгөрлөө. Манай аймгийн 1200 гаруй сурагч 8 хичээлээр ЭЕШ өгсөн байна. Тэднээс 12 сурагч ЭЕШ-ийн хамгийн өндөр буюу 800 оноо авчээ. Бүр зарим сурагчийн хувьд “Монголдоо № 1” нь байж чадлаа. Тэр бол манай аймгийн тавдугаар сургуулийн 12а ангийн сурагч Батсайханы Минжбадам байв. Энэ жилийн газар зүйн хичээлийн ЭЕШ-тад 803 сурагч шалгуулжээ. Тэднээс Б.Минжбадам ганцаараа 800 буюу хамгийн дээд оноо авсан юм. Мөн “Эрдэнэт цогцолбор дээд сургууль”-ийн ахлах сургуулийн 12 дугаар ангийн сурагч Д.Хонгорзул физикийн хчиээлээр 800 оноо авчээ. Нийгмийн ухааны хичээлээр 14 дүгээр сургуулийн 12а ангийн сурагч О.Эрдэнэболд  800 оноо авсан байна.

Нийтдээ манай аймгаас 12 сурагч 800 оноо авсан. Монгол хэл, математикийн хичээлээр тус бүр 2, орос хэлний хичээлээр 5 сурагч 800 оноог түүсtн байна.

Манай аймгийн  ЭЕШ-ын дүнгээс харвал англи хэл, химийн хичээлээр манай сурагчдын үзүүлэлт эхний байранд орсон байна. ЭЕШ өгсөн нийт сурагчдын үнэлгээгээр манай аймаг улсын хэмжээнд 7-д эрэмблэгджээ.