Аймгийн хэмжээнд өнөөдрийн байдлаар он дамжсан 43 хөрөнгө оруулалтбн ажил байна. Үүнээс ашиглалтад оруулах комисс ажилласан 1 ажил байгаа бол дөрөвдүгээр сард ажил нь эхлээд байгаа 10 ажил бий гэнэ. Энэ талаар хөрөнгө оруулалтын ажилд хяналт таьдаг мэргэжлийн байгууллагаас мэдээлэл өглөө. Бүр тодруулбал дээрх 43 аэлаас 24-ийнх нь хувьд 2021 оноос өмнөх он дамжсан ажил ажээ.

Ямар ч байсан 2023 онд он дамжин хийгдэж байгаа хөрөнгө оруулалтын ажлаас хамгийн сайн яваа нь Жаргалант сумын Ахмадын өргөөний барилга гэнэ. Ажлын явц 80 хувьтай байгаа, мэргэжлийн хүмүүс саяхан газар дээр нь очиж ажлын явцтай танилцжээ. Нийтдээ 798.6 сая төгрөгийн төсөвт өртөгтэй тус ажлыг гүйцэтгэгчээр “Олз мандал” компани ажиллаж байгаа аж. Дотор халаалт, цахилгааны ажил нь дууссан. 2023 оны хувьд гадна дулаан, цэвэр усны шугамын ажил хийж байгаа гэнэ. Ажлын явц 80 хувьтай байгаа аж.

Мөн Баян-Өндөр сумын Зэст багийн нутагт баригдаж буй Багийн байр барих ажлын гүйцэтгэгчээр “Талст билиг” компани ажиллаж байгаа. Нийт 2 тэрбум 50 сая төгрөгийн төсөвт өртөгтэй энэ ажлын металл фасадны рам зангидсан. Гадна инэенерийн шугам, сүлжээний ажил хийсэн.  Өнөөдрийн байдлаар дотор хамар ханны өрлөг хийж байна. Ажлын явц 80 хувьтай байгаа ажээ.

“Неман констракшн” ХХК-ийн Уртын голд баригдаж ббуй 260 айлын орон сууцны цогцолбор барилгын ажлын явц 70 хувьтай байгаа гэнэ. Түлхүүр гардуулах нөхцөлтэйгээр гэрээ хийсэн энэ ажлын хувьд төсөвт өртөг нь 26 тэрбум, 654,3 сая төгрөг. А блок карказ угсарсан-67 хувийн гүйцэтгэлтэй, В блок дотор заслын ажил хийж байна гүйцэтгэл 85 хувь, С блок дотор заслын ажил хийж байна гүйцэтгэл 82  хувь, Д блок дотор засын ажил  85 хувьтай, Е блок суурийн цутгалтын ажил 12 хувьтай байна.